2018年10月11日 星期四

【親戚冷語】港女嫁失業瑞典男 甘做sales養家照顧老公十年 __,港女,瑞典,

瑞典人妻毛毛為老公Johan付出很多,令貝兒很感動。
你願意為愛嘅人付出幾多?真愛何價?陳貝兒主持大台真人騷《嫁到這世界邊端2》前三集講咗兩位韓國人妻嘅故事,都係韓國Oppa為老婆付出好多。但今晚一集講瑞 ...


你願意為愛嘅人付出幾多?真愛何價?



陳貝兒主持大台真人騷《嫁到這世界邊端 2》前三集講咗兩位韓國人妻嘅故事,都係韓國Oppa為老婆付出好多。但今晚一集講瑞典人妻Molly(毛毛)同設計師老公Johan嘅故仔,就係調番轉,妻子為丈夫付出一切。



港女毛毛係單親媽媽,一次緣份安排下,喺香港認識咗來自瑞典鄉下嘅窮小子Johan,一拍即合。婚後Johan留港,但男方工作未如理想,一直失業,毛毛無私付出,對Johan照顧有嘉,寧願自己做sales撐起頭家,亦從來冇問老公攞家用。及至有一次去超巿shopping,Johan突然拎咗張信用卡付款,驚喜宣佈已經搵到工,有收入,毛毛就覺得好感動。



毛毛一「包」就「包」咗老公十年,人生冇幾多個十年,期間毛毛受盡親友冷言冷語,Johan甚至被背後笑「食軟飯」,好彩毛毛都冇動搖,佢願意呢喺場愛情賭博下重注。兩人結婚十五年,一年前Johan帶咗毛毛返瑞典定居,仲喺老家搵到份好工,喺大公司做設計,亦承諾一定會好好照顧老婆,等佢唔使再捱。



貝兒都受毛毛愛情故事感動,至於會否效法?佢回覆傳媒時就話:「愛唔係用錢嚟衡量嘅,如果我有能力都唔介意付出多啲。」





精選娛聞,喺晒《娛果》

http://fb.com/appledailyent



瑞典人妻毛毛為老公Johan付出很多,令貝兒很感動。 毛毛(左)提及過去10年,老公失業,佢賺錢養家。 毛毛(左)提及過去10年,老公失業,佢賺錢養家。
毛毛(右)同貝兒一齊唱歌。

毛毛(右)同貝兒一齊唱歌。
毛毛(中)一年前隨老公到瑞典生活,專心做幸福人妻。

毛毛(中)一年前隨老公到瑞典生活,專心做幸福人妻。
貝兒表示愛情不用金錢去衡量。

貝兒表示愛情不用金錢去衡量。
Johan感恩老婆過去嘅付出。

Johan感恩老婆過去嘅付出。

鍾意就快D Share啦!
Related Posts Plugin for WordPress, Blogger...