掃呢頁CODE去手機

2018年10月16日 星期二

【爆相爆片】孖前大台巨胸女茶檔打躉 羅天宇愛打機不愛回家 __,大台,愛回家,愛.回家,爆相爆片,羅天宇,TVB,

孖前大台巨胸女茶檔打躉 羅天宇愛打機不愛回家
羅天宇去年尾同湯洛雯分手後,兩人似乎欲斷難斷,日前羅天宇大搞31歲生日派對,湯洛雯竟然出席為舊愛慶生,唔知係咪復合在望呢?不過,早排羅天宇現身旺角街市 ...


羅天宇去年尾同湯洛雯分手後,兩人似乎欲斷難斷,日前羅天宇大搞31歲生日派對,湯洛雯竟然出席為舊愛慶生,唔知係咪復合在望呢?不過,早排羅天宇現身旺角街市嘅熟食中心打躉,被讀者黃先生透過「爆相爆片」分享,同行有位長髮女仔,但並唔係湯洛雯,而係前大台巨胸女范彩兒。



讀者黃先生在電話表示:「嗰晚7點幾,喺朗豪坊對面街市熟食中心,見到羅天宇同大隻仔(溫家偉)喺度打機,我諗因為佢哋做過《愛.回家》,所以好多人認得眼望望,但佢哋冇理會,全程掛住打機,仲一路打一路研究討論,冇工開都唔愛回家,同枱仲有個女仔喺度玩iPad,佢哋打機打咗成粒鐘都未走。」



對於被讀者笑冇工開都唔愛回家,羅天宇回覆傳媒表示:「我哋等緊人去做gym,喺附近嗰間24小時健身中心,因為嚟緊要拍新劇,趁有時間增值自己,咁我哋就到嘅話都會約埋一齊去做gym。」至於同枱女子身份,由於讀者影唔到樣貌,問到女仔係咪圈中人?羅天宇好坦白表示:「佢係范彩兒,我哋係同期訓練班同學,識咗十年,大家都係好好嘅朋友。」



范彩兒同羅天宇一樣係31歲,佢中學畢業後讀大台藝員訓練班,在處境劇《依家有喜》飾演護士「蘇哥莉」為人熟悉,但都唔夠佢嘅巨胸身材出位,經常喺社交網晒噴血性感相,由於做嚟做去都係宮女、丫環角色,4年前離開大台轉戰大陸發展,仲做埋健身教練;由於大隻仔已有混血親親女友,而羅天宇同湯洛雯分手後未再拍拖,問到同范彩兒有冇發展機會?羅天宇一口拒絕:「冇.. 我哋係好好嘅朋友。」



精選娛聞,喺晒《娛果》

http://fb.com/appledailyent



孖前大台巨胸女茶檔打躉 羅天宇愛打機不愛回家 同枱有位長髮女(讀者提供圖片) 同枱有位長髮女(讀者提供圖片)
讀者話佢哋冇工開都唔愛回家(讀者提供圖片)

讀者話佢哋冇工開都唔愛回家(讀者提供圖片)
羅天宇同大隻仔喺茶檔打機(讀者提供圖片)

羅天宇同大隻仔喺茶檔打機(讀者提供圖片)
范彩兒經常在網晒噴血相(網上圖片)

范彩兒經常在網晒噴血相(網上圖片)
范彩兒身材好惹火(網上圖片)

范彩兒身材好惹火(網上圖片)
范彩兒(網上圖片)

范彩兒(網上圖片)
大雙仔已有正印女友(網上圖片)

大雙仔已有正印女友(網上圖片)

鍾意就快D Share啦!