2018年10月4日 星期四

【爆相爆片】警車突然U-turn險撞七人車 司機落車鬧爆差人 __,爆相爆片,

一部警車周三晚8點左右沿大圍富健街慢線,向仁安醫院方向行駛,但行行下去到隆亨邨對出突然打死火燈,之後就抽頭cut向右邊快線打算U-turn掉頭。咁啱有 ...


一部警車周三晚8點左右沿大圍富健街慢線,向仁安醫院方向行駛,但行行下去到隆亨邨對出突然打死火燈,之後就抽頭cut向右邊快線打算U-turn掉頭。咁啱有部七人車沿快線駛到,差啲就俾部警車攔腰撞到左邊車身,好彩七人車避過咗,但司機之後落車就大鬧揸車嗰位警察:「你點揸車㗎?你點可以咁樣揸車?」



目擊者陳小姐當時都揸車向同一方向行駛,佢向《蘋果》提供車cam片,話佢以為部警車打死火燈停車,估唔到係cut線U-turn,仲話自己見到咁都「嘩」咗聲,覺得當時揸車嗰位警察咁樣做好唔啱,未睇清楚就cut線U-turn似乎係危險駕駛添。



陳小姐講述事發時好彩部七人車避得開部警車,如果唔係實撞車。陳小姐當時見七人車司機落車走向警車,於是攪低車窗,聽到個七人車司機大鬧揸車嗰個警員,仲話一家大細喺七人車上㗎。



當時七人車上真係成車人仲有細路,而部警車就有兩個警員,其中揸車嗰個警員首先落車,陳小姐話見到嗰個警員俾七人車司機鬧都顯得有啲理虧,初時唔出聲,隔咗一陣先話自己係安全情況下轉出。陳小姐話聽到個警員咁講都呆咗,覺得直情係睜大眼講大話。事後陳小姐話為咗還七人車司機一個公道,所以就向《蘋果》爆片。



《蘋果》正向警方查詢有關事件。



你敢爆,我敢獎! 立即WhatsApp《蘋果》24小時爆相爆片熱線或致電:63836568





警車抽頭cut向右邊快線打算U-turn掉頭,險與駛至七人車相撞。(讀者陳小姐提供) 警車抽頭cut向右邊快線打算U-turn掉頭,險與駛至七人車相撞。(讀者陳小姐提供)
警車與七人車險撞,七人車駛前停下。(讀者陳小姐提供)

警車與七人車險撞,七人車駛前停下。(讀者陳小姐提供)
七人車司機落車走向警車與警員理論。(讀者陳小姐提供)

七人車司機落車走向警車與警員理論。(讀者陳小姐提供)

鍾意就快D Share啦!
Related Posts Plugin for WordPress, Blogger...