掃呢頁CODE去手機

2018年11月13日 星期二

張慧儀:【做咗3日冷凍人】張慧儀養子心臟手術成功 __,張慧儀,

終於可以舒一口氣!女星張慧儀早前透露有先天性心臟病嘅15歲養子張晃維(Hanson)要接受高風險心臟大手術,呢日,佢喺社交網宣布手術成功!佢發長文憶述 ...


終於可以舒一口氣!


女星張慧儀早前透露有先天性心臟病嘅15歲養子張晃維(Hanson)要接受高風險心臟大手術,呢日,佢喺社交網宣布手術成功!佢發長文憶述仔仔入院時嘅情況,文中提到:「10月初,Hanson入院進行Fontan心臟手術。猶記得Hanson手術進行時,我真的深深體會到『如坐針氈、切膚之痛、坐立難安』的感受!由於Hanson的手術比預期中困難,手術後也需要較長的時間甦醒及回復意識。在Hanson甦醒後但意識模糊,連我是誰也不知道的那段時間,我內心的忐忑、惶恐,真的非筆墨能形容!」

佢續指Hanson手術順利完成,而康復情形亦非常理想,並多謝所有醫生、ICU、兒童病房及物理治療師等醫護人員,亦再次感激兒童心臟基金會、遠道由馬來西亞回港嘅媽媽以及一眾朋好友,並承諾會為患有心臟病嘅兒童作出更多貢獻。

事後,張慧儀接受電話訪問表示:「Hanson做手術時,發現有好多不規則血管增生,所以手術比預期中困難,期間佢仲做咗3日冷凍人,當時完全要靠佢嘅意志先可以甦醒番,而即使醒咗,佢嘅狀態都係迷糊嘅,例如好似睜大眼但冇焦點,呢個情況持續咗十幾、二十日,跟住佢就慢慢康復喇!依家進展理想,佢可以落床及自行進食喇,所以我衷心多謝所有嘅醫護人員,對Hanson嘅悉心照顧。」她直言打算再停工兩星期,以方便照顧仔仔,又感恩謂:「多謝我媽媽專程由馬來西亞飛嚟香港幫手,不過佢只可以再留多1星期咋。今次仔仔出咗院算大步檻過,我都已經好感恩。」

----------------------------

東網巨星開咗ig喇,大家快啲follow

https://bit.ly/2JjSVcr


來源 source: http://hk.on.cc
鍾意就快D Share啦!