掃呢頁CODE去手機

2018年11月28日 星期三

【每年都要「共同渡過」】全家出動食生日飯 49歲郭可盈微博晒家庭照 __,郭可盈,

(郭可盈微博圖片)
郭可盈近年鮮有於幕前現身,只係日前出席過公開活動,期間佢提到自己唔會復出拍劇,因為寶貝女林天若(乳名津津)唔會放過自己(新聞連結:https://bi ...


郭可盈近年鮮有於幕前現身,只係日前出席過公開活動,期間佢提到自己唔會復出拍劇,因為寶貝女林天若(乳名津津)唔會放過自己(新聞連結: https://bit.ly/2BC4I0W )。



眨個眼,今日係郭可盈嘅49歲生日,日前已經見佢喺微博貼過相慶祝,今日係正日,當然要食餐飯今晚可以陪到郭可盈過生日嘅,除咗有佢老公林文龍同囡囡津津之外,仲有細佬郭可頌、弟婦熊黛林及一對孖女Kaylor同Lyvia,另外仲有其他家人,夾夾埋埋一家大細,有成10幾個人咁多,非常熱鬧!



郭可盈簡單留言話:「我要我愛和愛我的人,每年都一起《共同渡過》!」即係預約每年生日都要同屋企人過,真係好注重家庭。



睇埋佢哋枱面上嘅生日蛋糕,中式西式都有,又有唔同口味,真係食蛋糕都飽。另外,仲有啲相信係較早前郭可盈慶祝生日嘅相,唔知佢今年食咗幾多個蛋糕呢?



咁就祝郭可盈生日快樂、青春常駐,得閒就返出嚟客串吓,等啲觀眾同fans唔好掛你掛到頸都長。



精選娛聞,喺晒《娛果》

http://fb.com/appledailyent



(郭可盈微博圖片) 郭可盈今晚喺微博貼相(郭可盈微博圖片) 郭可盈今晚喺微博貼相(郭可盈微博圖片)
仲有同老公林文龍嘅合照(郭可盈微博圖片)

仲有同老公林文龍嘅合照(郭可盈微博圖片)
好多人為郭可盈慶祝(郭可盈微博圖片)

好多人為郭可盈慶祝(郭可盈微博圖片)
慶祝一浪接一浪(郭可盈微博圖片)

慶祝一浪接一浪(郭可盈微博圖片)
唔知郭可盈今年切咗幾多個蛋糕?(郭可盈微博圖片)

唔知郭可盈今年切咗幾多個蛋糕?(郭可盈微博圖片)

鍾意就快D Share啦!