網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年11月21日 星期三

視后候選名單突然踢走陳煒 《萬千星輝賀台慶》4大奇怪位逐個捉 __,視后,陳煒,

台慶4大疑點feature
視后候選名單突然踢走陳煒《萬千星輝賀台慶》4大奇怪位逐個捉啱啱播出嘅《萬千星輝賀台慶》搵嚟多位藝員同事表演,又史無前例頒發星馬視帝視后,不過有唔少觀眾 ...


視后候選名單突然踢走陳煒 《萬千星輝賀台慶》4大奇怪位逐個捉



啱啱播出嘅《萬千星輝賀台慶》搵嚟多位藝員同事表演,又史無前例頒發星馬視帝視后,不過有唔少觀眾關心嘅係竟然有幾個人離奇失蹤,仲話其中一Part疑似造馬!

撰文:東方新地 |圖片:節目截圖、Instagram





《萬千星輝賀台慶》4大奇怪位

1. 星馬視后名單突然踢走陳煒

陳煒以電視劇《宮心計2之深宮計》的太平公主一角有份競逐馬來西亞同新加坡視后,不過當播放候選名單時,陳煒突然被踢走,淨低李佳芯、黃智雯同胡定欣三個。

萬千星輝賀台慶
陳煒在《宮心計2深宮計》飾演太平公主

陳煒喺台慶當日著住紅色低胸長裙出席


不過播到馬來西亞同新加坡視后最後三強名單時,大家都好驚訝點解煒哥無份呢? 明明早一日仲喺喺四強入面。不過煒哥連星馬視后都未能躋身三強,睇嚟TVB想力棒嘅視后另有人選,下個月台慶頒獎典禮煒哥「叫胡」機會唔大。



最後三強得返李佳芯、胡定欣同黃智雯


2. TVB親生仔女離奇消失

TVB生日咁大件事,一定全台幕前幕後全部人出席,但係幾個親生仔女好似陳凱琳、陳展鵬、單文柔同袁文傑就「離奇失蹤」。單文柔有BB所以請產假都理所當然,老公陳展鵬即將「升呢」做人父,都可以話係放假照顧老婆,但係又有指佢喺內地開緊工。如果係咁,點解連台慶都唔抽空出席呢?袁文傑月頭有白事所以唔可以紅白二事相沖,另外之前問到陳凱琳係咪有咗BB但係堅持否認,唔通背後真係有咩原因?





3. 叻哥懷恨在心 農夫被叮走?

出名口材好嘅組合農夫(C君、陸永)一向以搞笑形式做主持,獲得一班觀眾支持,不過點解台慶大騷無佢哋份?唔知大家仲記唔記得,上年台慶陸永唔小心「寸親」叻哥,有網民就推斷係叻哥懷恨在心,要求TVB唔可以再用佢哋。



上年台慶有一個環節就係農夫同叻哥頒發「最佳非戲劇節目」獎,叻哥就話:「我份人好謙虛嘅。」之後陸永就話:「你喺謙虛呢方面都幾囂張!」搞到叻哥即刻黑面,廣告過後影到陸永心事重重,仲有網民話喺Big Big Channel見到陸永被訓話。

事後陸永心事重重,提唔起精神


4. 比賽有「造馬」成份?

有個環節係由丁子朗、何廣沛同張振朗鬥手臂粗度,不過全程都非常混亂,一開始6浩就話何廣沛係最多人投票,所以壓軸出場,然後主持之一阿Bob由頭到尾都好趕時間咁。第一位出場嘅丁子朗有13吋半,張振朗有13吋,而壓軸嘅何廣沛就有14吋。不過當公布何廣沛吋數時,阿Bob好似睇都唔使睇,更好快用手指遮住軟尺,真係連鏡頭都未影得切。

6浩叫何廣沛壓軸出場,何廣沛個樣表現出都唔知發生咩事

丁子朗手臂有13.5吋粗度


張振朗手臂有13吋粗,不過鏡頭由頭到尾都影唔到軟尺,個數都係一眾主持講出嚟



去到何廣沛,阿Bob極速用手指遮住軟尺

陸浩畀阿Bob搞到呆咗


相關文章:

【台慶】賴慰玲仔仔喊住贏BB爬行大賽冠軍

前晚無綫台慶有眾多表演環節,其中一個表演是由人父吳家樂、徐榮、黎諾懿和黃致豪扮演BB爬行、玩玩具和跳舞,動作搞鬼,引得一眾藝員哄堂大笑。



幾位長出胡子的男藝人扮成BB,相當搞笑


表演過就後舉行「BB爬行大賽」。由孫慧雪、賴慰玲、李漫芬及兩位素人帶佢哋嘅小朋友出戰,其中賴慰玲囝囝Marat一路領先,中途向後一望,被扮BB的吳家樂嚇親,一邊大喊一邊加速向前爬,最終贏得比賽。

一眾靚媽抱著BB進場



無綫台慶其中一個環節是「BB爬行大賽」,藝人們要「落注」揀邊個BB爬第一| 圖片:無綫台慶截圖

賴慰玲囝囝Marat一路領先| 圖片:無綫台慶截圖


但扮BB嘅吳家樂跟住Marat後面,嚇親Marat| 圖片:無綫台慶截圖

Marat被吳家樂嚇得大哭,即時加速向前爬| 圖片:無綫台慶截圖


最後Marat贏取比賽| 圖片:無綫台慶截圖


除了賴慰玲囝囝喊住爬,其他BB都邊爬邊喊。其實現場非常嘈吵,又多陌生人,而且已經過晒BB要上床訓覺嘅時間,又難怪BB們全部都喊住比賽!希望咁多位媽媽返屋企好好氹返BB,唔會嚇親佢哋

一開始已經非常混亂| 圖片:無綫台慶截圖

好多BB都喊住比賽| 圖片:無綫台慶截圖


吳若希大爆TVB講明要撐周柏豪

前晚(19/11) 《萬千星輝賀台慶》為慶祝TVB生日,請來一眾藝員歌手表演。當中有一個環節就係搵嚟周柏豪、袁偉豪同胡鴻鈞表演射籃。

萬千星輝賀台慶

Do姐同叻哥逐個訪問參賽者感受

袁偉豪話自己喺屋企練習過


周柏豪又係話自己喺屋企練過下

問到陳山聰支持邊個時,佢就話識咗袁偉豪咁耐,都唔知佢識打籃球。



之後再問馬國明,佢就話自己支持《降魔的》嘅胡鴻鈞,不過唔知自己嗰隊支唔支持。



最後訪問埋歌星隊嘅吳若希,佢就話:「我個心就係支持胡鴻鈞,不過TVB份稿叫我支持周柏豪!」Do姐都不禁講句:「乜你咁㗎?」連叻哥等人都忍唔住話佢倒米。有網民就諗此言論一出,吳若希應該好快畀TVB高層「照肺」喇!

坐喺吳若希旁邊嘅鄭俊弘本身無咩表情


聽到吳若希驚人言論後即刻眼都凸埋

唯有用笑掩飾一下尷尬


同場加映:

Do姐叫錯名 場面非常尷尬

射籃之後有一個環節係《兄弟》一眾演員大騷身手,表演過後Do就介紹幾位男演員時就將伍允龍叫做馬允龍,不過Do未有察覺,場面搞到幾咁尷尬。

坐喺後面嘅黃嘉樂、龔嘉欣、陳庭欣、周志康即刻討論





朱晨麗睇落忍笑忍得好辛苦


麥明詩台慶跳舞被鬧爆兼狂恥笑

噚晚,麥明詩同馮盈盈有份參與台慶嘅表演環節「青春歌舞50+1」,位位女藝員著上校服短裙晒美腿相當養眼,可惜麥明詩就被多次影到甩Beat兼舞姿生硬,有唔少網民仲狂彈佢嘅表現,指「都唔知你做乜」、「冇時間綵排咩」等。

雖然麥明詩有啲甩Beat,但勝在個樣夠淡定!



馮盈盈一齊慢半拍

睇真啲,其實甩Beat嘅都唔止麥明詩一個,就連噚晚因真空出席紅地氈而成為熱話嘅馮盈盈一樣跳到有啲甩Beat!

馮盈盈一樣有跳到慢半拍嘅情況出現!


二人企前排跳,明顯各自都有跟唔上節奏嘅問題,睇嚟下次上台前要惡補一吓跳舞技能先得喎!



麥明詩即時耍冧

其後,被網民恥笑嘅麥明詩都留意到網友嘅「意見」,結果好快就喺個人社交網為自己嘅表演耍冧:「向大家眼球致歉!因為早幾日先返香港,已經盡咗力惡補(合十)其實本人都覺得應該企最後面,不過排位已被安排。」,原來情有可原!



之後,麥明詩再上載上台跳舞前喺後台等候嘅片,Tag住「準備上刑場嘅心情」及「#四小時速成班」,圖文並茂咁道歉兼解釋,希望網民唔好再鬧得咁勁,唔知大家又接唔接受呢?

片中亦見到馮盈盈都好緊張!


黃智雯Solo自信霸氣

另一方面,單拖率領一眾年青藝員演出嘅黃智雯就認真型到爆之餘,仲一人獨領風騷!皆因黃智雯戴上黑超喺煙火包圍下出場,Solo獻舞,霸氣十足!



黃智雯喺火花包圍下跳舞,Chok到爆!

自信度十足!


之後仲再與一眾年青藝員齊齊起舞,可見無論舞技定地位都超一班!



黃智雯 入行11年首封后

另外,黃智雯憑《三個女人一個「因」》,先後奪得「馬來西亞最喜愛女主角」及「新加坡最喜愛女主角」,同樣憑一劇成為雙料視后,撼贏好姊妹胡定欣及大熱人馬李佳芯!

臨上台前,黃智雯逐一接受藝員同事的祝賀!



黃智雯獲《TVB馬來西亞星光薈萃頒獎典禮》視后時,在台上首先多謝嘅人係汪明荃:「第一套拍劇就是同Lisa姐合作的《東山飄雨西關晴》,知道自己當初演技唔好,阿姐都話:『咁做戲嘅?』,之後獲阿姐肯定及支持好開心,好開心由佢手上領獎。」又多謝「胡說八道會」的好姊妹、《三個女人》的台前幕後工作人員及監製潘嘉德的提携。



之後,黃智雯再下一城奪《星和無綫電視大獎》, 她表示:「好幸福,一晚可以感受兩次喜悅。」她感慨道:「努力未必一定有回報,但只要肯努力一定有人睇到。」 

相關文章:台慶變視后前哨戰 胡定欣推黃智雯上馬



現年35歲的黃智雯於2004年於香港演藝學院畢業,主修舞蹈及戲劇。其後,Mandy於2007年參加香港小姐,且入圍最後五強,2008年修讀第22期無綫藝員訓練班,2012年演《缺宅男女》受注目,同年獲《萬千星輝賀台慶》飛踴進步女藝人。今年她憑《三》中的「三重人格障礙症」的大律師角色贏盡口碑,尤如一人分飾三角,演技大爆發。

相關文章:【萬千星輝】今年「最佳劇集」花落誰家? TVB高層原來一早有暗示…



黃智雯

黃智雯獲獎後心情相當激動!
黃智雯

而在《降魔的》同黃智雯合作過的胡鴻鈞,立即上前祝賀她封后!


袁偉豪 膺星馬視帝

而袁偉豪憑《棟仁的時光》先後贏得「馬來西亞最喜愛男主角」及「新加坡最喜愛男主角」,成為雙料視帝,成功揮低對手陳展鵬王浩信馬國明!入行20年的他表示會繼續努力,做演員至生命耗盡一刻。

袁偉豪在李佳芯手上接過獎項,李佳芯今晚一如以往穿得得體又仙氣,未有刻意賣弄性感!



2007年參加無綫「香港先生」贏得冠軍入行的袁偉豪,於無綫拍劇機會不斷,經過11年的努力,憑《棟》中的打工仔角色成功入屋!



宣布得獎後,其女友張寶兒感動落淚!及後張寶兒被主持人林盛斌訪問時,甜笑向袁偉豪說:「你好叻吖」。

張寶兒一知道男友得獎,開心到爆喊!



袁偉豪隨即向女友飛吻!



袁偉豪《棟仁的時光》演出打工仔辛酸

其實《棟仁的時光》播出不久,觀眾就覺得劇情非常有共鳴,特別是打工仔一族,主角袁偉豪打工仔角色貼地又寫實,將香港打工仔的辛酸血淚完美呈現在電視上,袁偉豪的「鹹魚理論」更是打工仔的心聲!

男主角袁偉豪飾演一位普通的打工仔曾棟仁,每日從屯門一早逼巴士仆到中環返工,相信住新界的朋友非常有共鳴,每日都要和時間競賽,別人還在睡夢中的時間,新界人已經要趕巴士,然後就開始一天忙碌的打工仔生活,收工累到成隻狗,然後又開始新的一天打工生活,不斷死循環。

棟仁的時光

《棟仁的時光》電視劇照
棟仁的時光

《棟仁的時光》電視劇照


最慘的是每日有返工無放工,工作永遠做不完,而且勤力工作都得不到老闆賞識,還要被公司壓榨,棟仁的同事Emma卻只靠一把口冧老闆同冧客就可以上到位,簡直就是血淋淋的打工仔血淚史,劇中棟仁提出的鹹魚理論簡直是一針見血,棟仁咁話:「你出咗嚟做嘢咁多年仲唔明嘅?當你愈有heart,愈有抱負嘅時候,老闆就會愈唔上心,視為理所當然。你同佢講理想,佢就會話畀你聽,理想可以當飯食,可以抗通脹,仲會乘機壓你價!老細永遠是對的,無論啲客畀咩屎橋佢都話係絕世好橋。咁你仲點帶個靈魂返工?點頂得住呀?做鹹魚總好過有一日做到死咗,變咗條死魚。」真實得很卻讓人欲哭無淚!

棟仁的時光

《棟仁的時光》電視劇照
鍾意就快D Share啦!


Related Posts Plugin for WordPress, Blogger...