網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年11月25日 星期日

【與媽媽買聖誕裝飾】離婚後搬回娘家住 51歲江欣燕:我覺得呢個決定好啱(足本版) __,江欣燕,

現年51歲嘅江欣燕,13年突然同結咗婚12年嘅吳積遜離婚,再見亦是朋友。離婚後,欣欣爸爸叫欣欣搬返娘家一齊住,共享天倫樂,16年,欣欣爸爸病逝,佢接受 ...




現年51歲嘅江欣燕,13年突然同結咗婚12年嘅吳積遜離婚,再見亦是朋友。

離婚後,欣欣爸爸叫欣欣搬返娘家一齊住,共享天倫樂,16年,欣欣爸爸病逝,佢接受訪問時話好開心搬返屋企同父母住:「我覺得呢個決定好啱,因為喺爹哋嘅晚年,我返去同佢好sweet過咗最後嘅兩三年。」

爸爸離開咗,剩番79歲嘅媽咪,一向出名孝順嘅欣欣,最鍾意陪媽咪四圍去。

呢日,壹仔喺時代廣場撞到欣欣陪媽咪行街,雖然近年拍少咗好多劇,但仍然有唔少人認得佢,仲同hi添!

仲有一個月就到聖誕節,欣欣呢日原來同媽咪一齊揀聖誕節裝飾,好warm呀!

兩母女各有各揀,揀完由欣欣負責俾錢,呢個時候,佢哋撞到個朋友,吹咗一陣水後離開。

雖然欣欣50有1,但係素顏樣亦見得吓人,keep到喎!

欣欣媽咪曾經喺訪問時提到,兩個女愛情都唔順利,佢好自責:「我唔係好叻、好識做媽咪嘅人!其實睇到佢哋開心我就開心,最擔心佢哋有唔開心,我做媽媽唔識做啲乜,盡量唔好同佢哋提啲煩嘅嘢,為咗令佢哋開心,我會做好自己多啲。」

愛女深切嘅佢,曾經話過會幫女兒擋子彈,「如果子彈嚟嘅時候,我真係會企喺你(欣欣)前面。」

媽咪願意為自己擋子彈,欣欣講過:「你俾咗條命我喇,你嗰條我唔要呀!唔好擔心咁多嘢,好榮幸喺你健康時,有機會照顧你,你健康多啲,開心啲!」

79歲嘅媽咪健康快樂,係欣欣最開心嘅事。

攝錄:陳亦龍

立即下載Apps,隨時隨地睇盡時政專題、深度偵查、娛樂熱話!

按此連結:http://bit.ly/next28app

鍾意就快D Share啦!