掃呢頁CODE去手機

2018年11月18日 星期日

【第55屆金馬獎】27年前車禍變「支離破碎」 劉德華向謝金燕致敬 __,謝金燕,劉德華,

(《台灣蘋果日報》)
第55屆金馬獎今晚舉行,喺紅地毯上以「斑馬look」示人搞到嚇窒網民嘅謝金燕,喺「最佳新進演員獎」嗰陣,身為頒獎嘉賓嘅佢就換上一件Deep到落肚嘅薄紗 ...


第55屆金馬獎今晚舉行,喺紅地毯上以「斑馬look」示人搞到嚇窒網民嘅謝金燕,喺「最佳新進演員獎」嗰陣,身為頒獎嘉賓嘅佢就換上一件Deep到落肚嘅薄紗衫,再換上黑色長西褲上台,非常性感。



謝金燕喺台上話自己27年前演咗套電影代表作叫《新七龍珠》後就正式加入娛樂圈,當初嘅佢仲以為自己有機會可以劉德華一齊拍戲,點知喺1991年就遇到大車禍,搞到全身變到「支離破碎」,而臉上更留低咗疤痕。

而謝金燕又話,經過27年修復之後,佢先至返電影圈,佢仲笑言今次金馬執委會邀請佢嚟頒「最佳新進演員獎」,係希望自己可以將唔放棄嘅正能量傳俾一班電影新人,而且仲話:「總有一天會有一部電影女主角謝金燕、男主角劉德華」,聽完謝金燕呢段講話之後,就連台下嘅劉德華都起身向謝金燕做出敬禮手勢。



精選娛聞,喺晒《娛果》

http://fb.com/appledailyent



謝金燕頒獎前,憶述自己27年前車禍事件(《台灣蘋果日報》) 謝金燕頒獎前,憶述自己27年前車禍事件(《台灣蘋果日報》)
劉德華聽完謝金燕講話之後,即時起身做出敬禮手勢。(《台灣蘋果日報》)

劉德華聽完謝金燕講話之後,即時起身做出敬禮手勢。(《台灣蘋果日報》)

鍾意就快D Share啦!