究竟係乜原因呢？
台灣影壇盛事《第55屆金馬獎頒獎典禮》塵埃落定，部分賽果出人意表，不過要數最受人注目，都要講係台下嘅鞏俐，佢唔肯上台頒獎配埋一張黑面相，火速成為網民熱話！
話說頒最後一項獎座「最佳劇情長片」時，原定係由李安同鞏俐一齊上台頒發，點知最後得李安一個人上台，而鞏俐就坐喺台下，李安曾經邀請鞏俐上台一齊頒獎，不過最終鞏俐都係拒絕，李安在台上表示尊重鞏俐嘅決定自獎。
作為評審團主席嘅鞏俐竟然冇去傳媒採訪區交待評審過程，要由其他評審代勞，而李安接受訪問時替鞏俐解圍稱：「她想跟他們評審同事坐在一起，就決定不上來了。」事後即傳出鞏俐嘅種種反常行為全因對賽果不滿，有指她在評審投票時已經唔多高興，投票完得到結果之後更加黑面，不過鞏俐對邊個獎嘅賽果唔滿意就未有提及。
亦有指主持之一的陶晶瑩走到觀眾席介紹評審團時，不僅沒有訪問鞏俐，甚至連佢個名都冇提，而鞏俐咁啱又擰歪面，因此傳出佢哋應該係有過節，網民猜測鞏俐就係因為「被無視」，所以選擇唔上台頒獎作「回敬」。消息傳出後，陶晶瑩即劇喺社交網喊冤，強調：「天啊！冤枉！我在廣告時問鞏俐要不要說幾句話，她說她不想，她覺得自己已經說得夠多了。經過一再確認才不打擾她。」陶晶瑩希望大家唔好再執着一個畫面，等呢個電影界盛事可以圓滿結束。
----------------------------
東網巨星開咗ig喇，大家快啲follow
https://bit.ly/2JjSVcr
來源 source: http://hk.on.cc
|
鍾意就快D Share啦！
|
|
|