掃呢頁CODE去手機

2018年11月29日 星期四

【神隱數月】傳張栢芝已生B 栢芝媽今現身養和 __,張栢芝,

右圖採訪、攝影:徐錦池、羅德光
【新增內容】現年38歲嘅張栢芝,06年同謝霆鋒結婚,霆鋒08年陪伴她度過「艷照風波」,但最終於11年宣佈離婚,14年霆鋒更與舊愛王菲世紀復合,相反一直 ...


【新增內容】



現年38歲嘅張栢芝,06年同謝霆鋒結婚,霆鋒08年陪伴她度過「艷照風波」,但最終於11年宣佈離婚,14年霆鋒更與舊愛王菲世紀復合,相反一直肩負照顧兩個兒子謝振軒(Lucas)同謝振南(Quintus)重任嘅栢芝,離婚後只斷續有緋聞傳出,至今栢芝未開腔承認任何一段新關係。雖然係咁,但《蘋果》收到消息,有傳栢芝已於本月25日,在養和醫院順利誕下第三胎。



栢芝和霆鋒所生兩個兒子分別11歲同8歲,而栢芝再陀B其實亦有跡可尋,一向喜歡小朋友嘅栢芝,今年2月底曾在社交網上載一張擁着小女孩的相片,然後留言:「2018年之前,必定要生出BB來,this is my goal!」



之前兩胎都在養和生嘅栢芝,今次生B保密工夫做足,佢亦「神隱」咗一段日子,不但將Ig、微博嘅個人帳戶全部post刪掉,相隔十年再拍大陸劇《如果,愛》,今年五月播出,佢都冇參與任何宣傳活動,除咗家人同佢最信任嘅經理人Emily,由見肚起已同外間完全隔絕。有居於大埔康樂園嘅人透露,早於7、8個月前,仍經常見到栢芝在會所出現,但最近已不見其影蹤,反而有唔少人在養和見過佢。



今日約於下午兩點四十分,記者見到栢芝媽咪喺養和離開,栢芝媽咪當時拎住張紙,記者上前影相,問到佢係咪探栢芝?栢芝媽咪即以手上嘅紙掩面,再慌張解釋:「唔係唔係,只係睇病啫。」期間佢急步前行,與平日大方讓記者影相態度有異。當記者再追問最近有冇見過栢芝?栢芝媽咪突然唔出聲,之後只答「唔該晒,唔該晒」再匆匆急步行去跑馬地方向。



《蘋果》致電栢芝經理人Emily,恭喜栢芝生咗BB,不過Emily回覆話:「冇嘢講喎,sorry,拜拜!」



精選娛聞,喺晒《娛果》

http://fb.com/appledailyent



右圖採訪、攝影:徐錦池、羅德光  張栢芝呢幾個月都好低調。(資料圖片) 張栢芝呢幾個月都好低調。(資料圖片)
 佢話過今年想生多個。(資料圖片)

佢話過今年想生多個。(資料圖片)
 栢芝媽今日中午就現身養和。

栢芝媽今日中午就現身養和。
 比起平時大方,今日佢就掩面。

比起平時大方,今日佢就掩面。
 之後急步行去跑馬地方向。

之後急步行去跑馬地方向。
(ig圖片)

(ig圖片)

鍾意就快D Share啦!