掃呢頁CODE去手機

2018年11月1日 星期四

【沈家少奶為乜咁緊張】連環犯規做路霸 邱淑貞為掃平撻(足本版) __,邱淑貞,

嘩!嘩!嘩!邱淑貞,搞乜咁牙煙呀?趕住去邊呀?原來要去買餅!唔知邊個咁大牌,洗得郁沈家少奶去買餅呢?仲搞到佢要咁鬼心急,喺禁區度落車不特止,仲要衝過馬 ...




嘩!嘩!嘩!邱淑貞,搞乜咁牙煙呀?趕住去邊呀? 原來要去買餅!

唔知邊個咁大牌,洗得郁沈家少奶去買餅呢?仲搞到佢要咁鬼心急,喺禁區度落車不特止,仲要衝過馬路,真係睇見都戥佢危險呀!

見佢一支箭直標入商場,去咗間法式餅店,不過似乎唔啱心水,掉頭走人。之後又去咗另一間咖啡店,一樣冇收穫!不過邱淑貞冇放棄喎!一於繼續搵!見佢急急腳過返馬路,又喺禁區跳返上車。轉個頭,又再喺雙黃缐落車。為咗買件餅啫,連犯三次規喎!不過今次邱淑貞終於去啱地方喇!

入到餅店,邱淑貞即刻拎起個盤係咁夾。哦!原來佢係要搵椰撻同埋蛋撻!目側佢掃咗至少八件呀!就係為咗呢堆撻,佢甘願連環犯規,先係喺禁區上車,之又亂過馬路,仲要喺雙黃落車。

沈家少奶平時一定係離地,唔知道蛋撻同椰撻呢啲平民食物,梗係要去返啲平民餅店先搵到不過今次都算佢識食,幫襯喺香港有差唔多四十年歷史嘅凱施餅店。揀完撻,臨走0個陣,邱淑貞再攞多兩條麵包先俾錢。睇黎呢袋戰利品都夠佢地一家五囗食足兩日架喇!

立即下載Apps,隨時隨地睇盡時政專題、深度偵查、娛樂熱話!

按此連結:http://bit.ly/next28app

鍾意就快D Share啦!