掃呢頁CODE去手機

2018年11月16日 星期五

【立立哭了】訪問中斷 洪卓立落淚說分手:我仍然相信愛情 __,洪卓立,

攝影:林賓尼
十一年感情,說散就散。差一點就變成洪太,但現在只能成為「好朋友」。情傷,還是要繼續工作。湯怡如常開工趕戲,立立今日亦聯同鍾欣潼、泳兒、許靖韻等出席宣傳 ...


十一年感情,說散就散。



差一點就變成洪太,但現在只能成為「好朋友」。



情傷,還是要繼續工作。湯怡如常開工趕戲,立立今日亦聯同鍾欣潼、泳兒、許靖韻等出席宣傳活動。



受訪時,見立立心情明顯不大好,但仍強撐笑容拍照。訪問一開始,氣氛又變沉重,主動謂:「不如我講先啦。」



「有啲嘢,我想面對面同大家講。經過呢幾日,公佈之後,大家都有唔同反應,影響咗大家對Kathy(湯怡)嘅觀感。有啲人就話我哋距離越來越大,話佢貪慕虛榮、紅咗少少就飛咗我。」說到這裡,立立停了一下,垂頭,已經忍不住哭了。



工作人員馬上遞上紙巾,立立再抬頭時,已兩眼通紅。稍歇一會,立立才可說下去。



立立續道:「首先,呢樣嘢係唔存在(指女方因為走紅而提分手)。我哋一齊十一年。一齊嘅時候,我係第一隻碟都仲未出。中間又經歷過大病,亦經歷好多困難。如果佢好似大家所講咁樣,其實佢有好多機會可以同我分開。」



「我哋一齊度過咗好多難關。至於電影,佢做咗主角,呢樣係我哋兩個都覺得係好好嘅機會。至於另一樣嘢,就係講到結婚。呢樣嘢係我哋兩個都有共識,覺得係35歲之後先至踏入另一階段,唔會係呢幾年發生。所以並唔係大家所講,我唔肯娶佢、佢唔肯嫁我,唔肯結婚所以分開。我諗係大家(公眾)對愛情嘅睇法唔同。」



問立立是否為報道心痛?他稱:「作為朋友,見到身邊人俾人咁樣講又好,一定會唔開心。有朋友問我點解一定要公開呢件事(分手),我覺得大家一直見住我哋成長,我都希望有個交代俾大家。」



「見到有啲留言話,見到我哋咁樣,就覺得呢個世界再無童話。我覺得每個人對愛情睇法都唔同,每個人都係獨特嘅。至少,至今,我仍然係相信愛情。」



攝影:林賓尼 訪問一開始,氣氛又變沉重 訪問一開始,氣氛又變沉重
細心聆聽傳媒提問

細心聆聽傳媒提問
立立主動謂:「不如我講先啦。」說到「有啲人就話我哋距離越來越大,話紅咗少少就飛咗我。」立立停了一下。

立立主動謂:「不如我講先啦。」說到「有啲人就話我哋距離越來越大,話紅咗少少就飛咗我。」立立停了一下。
立立垂頭,已經忍不住哭了。

立立垂頭,已經忍不住哭了。
停頓了兩分鐘,平伏情緒。

停頓了兩分鐘,平伏情緒。
工作人員馬上遞上紙巾,立立再抬頭時,已兩眼通紅。稍歇約兩分鐘左右,立立才可說下去。

工作人員馬上遞上紙巾,立立再抬頭時,已兩眼通紅。稍歇約兩分鐘左右,立立才可說下去。

鍾意就快D Share啦!