網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年11月10日 星期六

農夫:一生貴人多!嘟姐刻薄子華長氣農夫好受落 __,農夫,陸永權,鄭詩君,黃子華,

好多人都好錫佢哋!組合農夫成員陸永及C君尋晚喺旺角麥花臣場館舉行一連六場演唱會,兩位除咗唱歌之外,仲好感激喺十八年陪住佢哋嘅幾個人,當中梗係唔少得堪虞 ...


好多人都好錫佢哋!


組合農夫成員陸永及C君尋晚喺旺角麥花臣場館舉行一連六場演唱會,兩位除咗唱歌之外,仲好感激喺十八年陪住佢哋嘅幾個人,當中梗係唔少得堪虞學家麥玲玲,喺安哥環節,玲玲更出嚟同佢哋合唱《風生水起》,唱完之後仲封咗兩封生日利是畀佢兩個,首先同陸永講:「夠畀首期㗎」然後再同C君講:「夠買太空船」

隨即二人大玩即場拆利是,發現係一人五百蚊,陸永即話:「玲玲師傅睇淡個樓市嘅!」之後C君就講笑話一千幾百唔恨,記得迎賓時有位男觀眾話自己生日,所以叫佢上台對身份證,轉贈封利是話:「生日都要睇騷,係賠償嚟嘅!」

另外,佢兩個又好多謝經理人DJ Tommy,話佢當時應該係走投無路,先會簽佢哋:「我哋覺得Tommy應該覺得DJ係夕陽行業,所以先會想做經理人,想做到係人經過都想簽。」而眾所周知鄭裕玲都好鍾意叫農夫做「垃圾」,佢兩個爆話呢個只係鏡頭前咁話佢哋,C君話:「有次一齊出Trip,佢又唔開得夜,即係要開得早,又唔鍾意人哋遲到,我有次無化妝無梳頭,衝落去大堂,佢一睇到就指住我話:『剪下個頭啦,乞兒!」然後陸永話有次鄭裕玲同佢推介韓國人氣組合防彈少年團(BTS),但佢當時拒絕睇佢哋嘅演出,某日睇番覺得好正,鄭裕玲即刻話:「依家先鍾意,咁賤格!」仲大爆鄭裕玲鍾意韓星嘅準則唔係大隻同靚仔,而係乖!陸永話:「你點睇到佢好乖?佢跳舞好乖?」

至於黃子華,佢兩個話佢嘅人生哲理好似胎教咁,一路都有睇佢嘅騷,喺上次子華Talk騷時佢兩個有份參加慶功宴,點知想走畀佢叫停話傾偈,點知一傾咗六個鐘:「由凌晨一點開始,足足係騷嘅三倍時間,我同佢講雖然我鍾意聽你講嘢,畀錢嚟聽,但我真係頂唔順,你金盆𠺘口咪幾好!」

----------------------------

東網巨星開咗ig喇,大家快啲follow

https://bit.ly/2JjSVcr


來源 source: http://hk.on.cc
鍾意就快D Share啦!