今次有圖有真相
英皇藝人湯怡跟洪卓立11年情日前宣布玩完，佢哋曾經以為打風都打唔甩，正因為咁，令粉絲大為震驚，隨即引起很多揣測，甚至兩人同門好友陳家樂都被扯落水，指佢最近頻頻孖住湯怡出席活動而鬧出緋聞。好多粉絲仲抽絲剝繭，想搵出兩人突傳「分」訊的原因。
有讀者向東網爆料，聲稱湯怡有男性密友，兩人穿上情侶波鞋去跑山，還提供兩張照片，兩人都係企隔籬，當中仲見到歌手馮允謙同DJ Donald。據知對方叫Gavin So，原來佢同圈中人都有關係，係王菀之嘅叔仔，即係佢老公Eric So（蘇卓航）嘅胞弟，Gavin任職連鎖食店高層，已婚同有一子，同圈中人蔡穎恩、徐濠縈、DJ細So等人相當熟稔。
湯怡嘅經理人霍汶希回覆：「嗰個朋友我哋都好熟㗎，佢哋只係行山友，而且一直有運動品牌贊助佢哋，所以佢哋都會着呢個品牌去行山、跑步，人哋結咗婚，唔會亂寫。」
來源 source: http://hk.on.cc
|
鍾意就快D Share啦！
|
|
|
