網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年11月25日 星期日

張衞健未「紮」炮南非解禁造人! __,張衞健,

雖然毛都冇條,但Dicky魅力不減,大把女埋身!
張衞健未「紮」炮南非解禁造人!張衞健為無綫拍劇忍「慾」負重,與老婆張茜分隔異地達半年之久。雖然不時有女埋身,更豪言若偷食有信心做到滴水不漏,但他絕不背 ...


張衞健未「紮」炮南非解禁造人!

張衞健為無綫拍劇忍「慾」負重,與老婆張茜分隔異地達半年之久。雖然不時有女埋身,更豪言若偷食有信心做到滴水不漏,但他絕不背叛曾經歷小產之痛的老婆,統統拒諸門外!未做結紮手術的他更孖老婆去南非度假,期望在「小別勝新婚」的激情下,成功孕育「小帥哥」!

由張衞健(Dicky)孭飛的劇集《大帥哥》,未播出已戲劇性地在《萬千星輝頒獎禮》提名「最佳男主角」,不過拉票事小、慰妻事大的他,完成本月21日的劇集宣傳後,日前就與太太張茜出發往南非旅行!結婚14年的兩人穿上情侶裝在航空公司櫃位辦理登機手續,孭着巨型背囊的Dicky化身推車仔,邊推行李邊與太太密密斟,步伐一致往閘口。兩人行裝充足,相信會在當地享受一個悠長假期!

欠風流債怕激死

Dicky和張茜是圈中模範夫妻,2008年張茜懷孕8個月時胎兒不幸夭折,之後有傳她再度流產,自此兩夫婦寧過二人世界。日前Dicky接受專訪時表示:「第二度流產係假o架,可能佢鍾意着似孕婦裝啲鬆身衫啫。」問到會否嘗試生B?他說:「又想有,又想冇。(流產後怕咗,決定唔再生?)曾經有驚過,不過我冇結紮,去邊度結紮?點紮法o架?(係天主教徒,所以唔可以咁做?)應該係,我太太都係教徒。」雖然弟弟同樣沒子女,但他重申張媽媽沒有施壓。問到沒生小朋友可有感遺憾?他笑說:「未必,如果生個激死我嘅衰仔出嚟咪弊?我個人作過好多孽,唉……風流一世!」

Dicky放假孖老婆去南非旅行,隨時兩個去、三個返!
  • Dicky放假孖老婆去南非旅行,隨時兩個去、三個返!
孭住大背囊的Dicky負責推行李,免得老婆操勞。

  • 孭住大背囊的Dicky負責推行李,免得老婆操勞。
兩公婆入閘前選購旅行用品。

  • 兩公婆入閘前選購旅行用品。

自薦代言 張茜嫌奀

劇中,Dicky有蔡思貝、楊秀惠及譚凱琪3個老婆,原來現實生活中,他自爆入行以來女人緣同樣超旺,說時一副得戚樣:「我咁高質素,從五官到器官各方面都係頂班,依家更加有唔同嘅味道,呢啲先得人驚!(依家仲有女埋身?)哈……點會冇呀?婚前、婚後都好多女Flirt(引誘)。」更豪言「偷食」對他來說冇難度:「相信以我智慧,如果做過係冇人會知,我唔係當老婆『流』,係有信心呃到佢,可以呃晒全世界,做到滴水不漏!不過人哋Flirt我,唔代表我要接受呢啲電流囉。」問到是否因為怕老婆?他再三強調:「唔係怕老婆,唔係我唔敢,係我唔會啫!(直接拒絕人?)使乜講出口,我做人咁圓滑,點知人哋會唔會反轉豬肚,總之我係唔會畀機會人。」他直言拍戲有艷遇會「備案」,而太太亦相信他,不會呷醋。

細心的Dicky幫老婆整理衣服。

  • 細心的Dicky幫老婆整理衣服。
Dicky唔係得把口o架,之前拍劇帶住成班女粉絲出巡,幾架勢!

  • Dicky唔係得把口o架,之前拍劇帶住成班女粉絲出巡,幾架勢!

他大讚太太是女強人,透露當年曾主動提出打本讓她在北京搞美容院生意,不過太太潑冷水,嫌他未夠班:「佢一毫子都唔要,我話不如幫佢做宣傳,但太太話自己識好多比我更紅嘅藝人,但都唔要嗰啲紅人宣傳喎!」






鍾意就快D Share啦!