掃呢頁CODE去手機

2018年11月28日 星期三

李泳漢:【世紀合體】李泳漢約李家鼎施明齊影全家福 __,李家鼎,李泳漢,

李家鼎同前妻施明世紀合體,齊齊影全家福!童星出生的李泳漢與弟弟李泳豪一直都心痛父母離婚收場,由於家中再添一名小公主Charlotte,日前泳漢趁下個月 ...


李家鼎同前妻施明世紀合體,齊齊影全家福!


童星出生的李泳漢與弟弟李泳豪一直都心痛父母離婚收場,由於家中再添一名小公主Charlotte,日前泳漢趁下個月一日為滿月的囡囡拍照時,刻意安排施明與李家鼎(鼎爺)「世紀合體」影全家福,一家人齊齊整整三代同堂,令他覺得人生變得好完滿。

泳漢坦言之前與父親的感覺好疏離,直至兩歲囝囝Alfie出世後,才漸漸將大家的距離拉近,見面次數亦是以前的幾倍,因為鼎爺真的很痛鍚他的一對仔女,對孫女Charlotte更是寵到出面。泳漢說:「以前唔明佢哋點解要分開,豪仔就一早接受事實,同爸爸關係比較密切,反而我就做咗人老竇先明白好多嘢,兩個人結婚唔會寫包單一定要Happy ending,何況要維繫一個有小朋友嘅家庭,開始識得企喺佢哋立場度諗,好似幫我解咗個千年心結咁。」問可有想過父母復合?他則哈哈大笑,表示自己是後輩,這個問題絕對不能代答。

太太管財政

所謂「一闊三大」,泳漢承認囡囡出世後使費增加不少,每日都要「跑數」養家,從來對錢沒有太大感覺的他,一起身就出外賺錢,幸好太太Conny理財了得,所以他每月出糧就會全部奉上,交由太太「靈活善用」,準備隨時迎接新成員。


來源 source: http://hk.on.cc
鍾意就快D Share啦!