網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年11月3日 星期六

藍潔瑛離世:藍潔瑛離世 街坊:前排肚好大,以為有咗! __,藍潔瑛,

古先生讚藍潔瑛改變咗好多。藍潔瑛生前居於赤柱馬坑邨,一班街坊得悉其死訊感到婉惜,良馬樓互委會主席古先生表示:「以前佢清晨5點幾就會喺單位大嗌,嗌得好緊 ...


古先生讚藍潔瑛改變咗好多。


藍潔瑛生前居於赤柱馬坑邨,一班街坊得悉其死訊感到婉惜,良馬樓互委會主席古先生表示:「以前佢清晨5點幾就會喺單位大嗌,嗌得好緊要,朝早七點幾佢就出門口,上巴士、小巴都會大叫,總之中午又嗌,夜晚又嗌。前排見到佢個肚好大,大到以為佢有咗,之後又突然唔見咗佢幾個月,到見番佢變咗另一個人,面色好咗。」

古先生又表示:「有街坊指藍潔瑛有時用英文嗌交,好似兩個人鬧緊交咁,其實得佢一個人,可能佢扮演緊兩個角色。不過近兩年街坊對佢改觀咗,佢冇再嘈,仲好有禮貌,見到街坊會打招呼,見到小朋友會同佢哋玩。」

對上一次見藍潔瑛是十多日前,他說:「當日佢買咗一支大樽裝水因為開唔到,所以落樓下向保安求助,但保安又開唔到,我幫佢開咗,佢好禮貌唔該我。」問到藍潔瑛近期精神如何?他說:「幾好,睇佢面相比以前好好多。有好多影迷會煲埋飯畀佢食,有時有朋友嚟搵佢傾吓偈。其實都好淒涼,一個有名望嘅人,好似突然喺廿幾樓跌咗落街乜都冇晒,做成佢精神出現問題,依家走咗可能係解脫。」


來源 source: http://hk.on.cc
鍾意就快D Share啦!