由張衞健（Dicky）孭飛的劇集《大帥哥》，未播出已戲劇性地在《萬千星輝頒獎禮》提名「最佳男主角」，不過覺得拉票事小、慰妻事大的他，完成本月21日的劇集宣傳後，日前就與太太張茜出發往南非旅行！結婚14年的兩人穿上情侶裝在航空公司櫃位辦理登機手續，孭着巨型背囊的Dicky更化身推車仔，邊推行李邊與太太密密斟，步伐一致往閘口。兩人行裝充足，相信會在當地享受一個悠長假期！
風流一世怕生衰仔
Dicky和張茜是圈中模範夫妻，2008年宣布有喜，可惜懷孕8個月時胎兒不幸夭折，之後有傳張茜再度流產，自始兩夫婦寧過二人世界。日前Dicky接受專訪時表示：「第二度流產係假㗎，可能佢鍾意着似孕婦裝啲鬆身衫啫。」問到會否嘗試生B？他說：「又想有，又想冇。（流產後怕咗，決定唔再生？）曾經有驚過，不過我冇結紮，去邊度結紮？點紮法㗎？（係天主教徒，所以唔可以咁做？）應該係，我太太都係教徒。」雖然弟弟同樣沒子女，但他重申張媽媽沒有施壓。問到沒生小朋友可有感遺憾？他笑說：「未必，如果生個激死我嘅衰仔出嚟咪弊？我個人作過好多孽，唉……風流一世！」今次會不會，兩個去三個返呢？
偷食唔會有人知
劇中，Dicky有蔡思貝、楊秀惠及譚凱琪3個老婆，原來現實生活中，他自爆入行以來女人緣超旺，說時一副得戚樣：「我咁高質素，從五官到器官各方面都係頂班，依家更加有唔同嘅味道，呢啲先得人驚！（依家仲有女埋身？）哈……點會冇呀？婚前、婚後都好多女Flirt（表示好感）。」更豪言「偷食」對他來說冇難度：「相信以我智慧，如果做過係冇人會知，我唔係當老婆『流』，係有信心呃到佢，可以呃晒全世界，做到滴水不漏！不過人哋Flirt我，唔代表我要接受呢啲電流囉。」問到是否因為怕老婆？他再三強調：「唔係怕老婆，唔係我唔敢，係我唔會啫！（直接拒絕人？）使乜講出口，我做人咁圓滑，點知人哋會唔會反轉豬肚，總知我係唔會畀機會人。」他直言拍戲有艷遇會「備案」，而太太亦相信他，不會呷醋。
畀老婆嫌唔夠紅
他大讚太太是女強人，透露當年曾主動提出打本讓她在北京搞美容院生意，不過太太潑冷水，嫌他未夠班：「佢一毫子都唔要我，我話不如幫佢做宣傳啦，但太太話自己識好多比我更紅嘅藝人，但都唔要嗰啲紅人幫佢宣傳喎！」
|
鍾意就快D Share啦！
|
|
|
