掃呢頁CODE去手機

2018年11月3日 星期六

女神男神:墮崖後慘被強姦 奇女子扶柺杖跑馬拉松 __,女神,

(互聯網)人生係半杯水,半滿或半空,睇你點去介定。美國奇女子HannahGavios,兩年前於泰國做背包客時跌落150英尺高嘅懸崖,復被當地人強姦。H ...


(互聯網)


人生係半杯水,半滿或半空,睇你點去介定。美國奇女子Hannah Gavios,兩年前於泰國做背包客時跌落150英尺高嘅懸崖,復被當地人強姦。Hannah奇迹不死,但經過漫長治療後下半身有多處地方處麻痺狀態,要藉柺杖行路。Hannah不只冇自暴自棄,更決定參加紐約馬拉松賽,去證明自己嘅人生並非灰暗,而係色彩繽紛。

2016年Hannah獨自到泰國旅行,人生路不熟下迷路。呢個時候有名男子話可以帶路,點知原來係色魔,帶Hannah到人迹罕致嘅叢林意圖強姦。Hannah一向係運動健將,佢趁亂逃走,但因為當時係夜晚,佢睇唔清楚條路失足跌落足足有15層樓高嘅懸崖,奄奄一息。色魔冇因為咁而放過佢,落去山腳將佢強姦。到第二日,Hannah先被路過嘅當地人送去醫院做手術。

Hannah傷得極重,脊椎有嚴重骨折,醫生最初斷定Hannah會從此癱瘓。但Hannah一直堅信自己會行得番,經過長時間嘅復康治療,依家Hannah下半身好多地方都處於麻痺狀態,唔可以行動自如,要用柺杖輔助行路。

Hannah嘅人生格言,係「只關注自己所擁有的,不關心自己失去的」,雖然行動不便,但努力希望活得精彩。喺妹妹口中得知紐約馬拉松,有唔少傷殘人士參加,Hannah決定參加今屆賽事,全長超過42公里。因為佢係傷殘人士,故預計要用上12小時先可以完成全程。

Hannah未來嘅目標,係希望攀山:「我目標係可以爬上山頂。我喺150英尺跌落嚟,所所以好希望可以從谷底爬上山頂。如果可以做到,再冇任何難關可以難到我!」

東網體育FB同你追實體壇每個精彩時刻!

http://bit.ly/2ecTF2A 


來源 source: http://hk.on.cc
鍾意就快D Share啦!