掃呢頁CODE去手機

2018年11月4日 星期日

【爆相爆片】吳啟華一拖三旺角睇古董錶 忍手冇斬獲 __,爆相爆片,吳啟華,

吳啟華日前一拖三去旺角睇古董錶。(讀者提供)
吳啟華近年除咗喺大陸投資甜品店之外,亦都有買磚頭保值,好似月前佢就同家人夾份千萬喺大灣區一口氣掃咗6個單位,可見啟華身家越嚟越豐厚。原來除咗買樓外,啟 ...


吳啟華近年除咗喺大陸投資甜品店之外,亦都有買磚頭保值,好似月前佢就同家人夾份千萬喺大灣區一口氣掃咗6個單位,可見啟華身家越嚟越豐厚。原來除咗買樓外,啟華亦好中意古董錶,日前就有讀者喺旺角撞見啟華一拖三去古董錶舖睇錶。



讀者招先生日前透過《蘋果》嘅「爆相爆片」報料,指當日下午3點幾撞見啟華喺廣華街嘅古董錶舖睇錶,招先生話:「初時佢同兩個女性朋友一齊睇,跟住有另一個女性朋友join埋佢哋,嗰度成10間舖頭都係賣啲貴嘅二手錶,佢哋巡咗好多間,應該係專登去睇錶嘅,我聽到吳啟華同啲朋友討論啲錶,但佢哋行咗半個鐘,好似冇買到。」



讀者話現場都有好多人認得啟華,但就未有拉住佢影相。睇番啲片,啟華着住綠色tee襯牛仔褲,雙手不時插住袋,而佢同行2個女性友人着牛仔褲打扮樸素,另一個染咗金金哋嘅長頭髮,着住高踭鞋同短裙,個樣比較成熟,啟華雖然係公眾人物,但仍無理他人目光,同朋友企喺櫃窗或者行入舖頭睇錶,似乎有特定心水手錶想搵。



事後《蘋果》問番啟華,佢話:「幾個朋友嚟啫,周圍行吓睇吓錶,我哋鍾意錶㗎嘛。」問佢最終有冇收獲?佢笑住話:「冇呀,忍到手。」



精選娛聞,喺晒《娛果》

http://fb.com/appledailyent



吳啟華日前一拖三去旺角睇古董錶。(讀者提供) 同身邊女性朋友研究。(讀者提供) 同身邊女性朋友研究。(讀者提供)
睇完一間又間,但最後冇收獲。(讀者提供)

睇完一間又間,但最後冇收獲。(讀者提供)
啟華雙手插袋四圍行。(讀者提供)

啟華雙手插袋四圍行。(讀者提供)
真係好專心研究。(讀者提供)

真係好專心研究。(讀者提供)

鍾意就快D Share啦!