2018年11月16日 星期五

梁潔華再治療甩頭髮 黃日華苦撐照顧愛妻 __,梁潔華,黃日華,

黃日華
梁潔華再治療甩頭髮黃日華苦撐照顧愛妻太太梁潔華在13年患上血癌,夫婦同心力抗癌魔,梁潔華接受化療後逐漸康復,黃日華不時拖住太太恩愛現身。不過近半年梁潔 ...


梁潔華再治療甩頭髮 黃日華苦撐照顧愛妻



太太梁潔華在13年患上血癌,夫婦同心力抗癌魔,梁潔華接受化療後逐漸康復,黃日華不時拖住太太恩愛現身。不過近半年梁潔華未有再公開露面,有傳她舊病復發,黃日華為陪太太出入醫院,停工之餘亦絕跡球場。早前本刊記者拍得梁潔華行動緩慢,因為治療後甩頭髮,用絲巾包頭再戴帽,還戴上雙重口罩包到冚不想見人。華哥亦顯得非常憔悴,向來報喜不報憂的他,默默苦撐照顧愛妻,是絕世好男人的典範。

撰文:東方新地|圖片:東方新地、新傳媒資料庫、Instagram





1988年 黃日華與太太婚前同拍劇集

黃日華太太梁潔華曾合作拍劇,除了80年《上海灘龍虎鬥》外,88年梁潔華同黃日華婚前,終於喺清裝劇《太平天國》再次一齊拍劇,但兩人並非演夫婦或情侶。

黃日華

黃日華

黃日華同梁潔華拍拖五年嚟一直恩愛,呢張含情對望相sweet到爆!


1988年 拉埋天窗

1988年黃日華同梁潔華拉埋天窗手牽手走入人生另一階段,惜劉德華同苗僑偉因趕戲嚟唔到飲。

黃日華

華哥着上同色系結婚禮服,絕對係華女心目中嘅白馬王子。

華女一身高貴銀白色婚紗,同樣係華哥心目中嘅白雪公主。




黃日華外表看似硬漢,但對住太太梁潔華卻是個溫柔體貼的好老公,2013年底梁潔華發現患上急性血癌,華哥給予太太信心和正能量,面對繁重工作又要廿四小時貼身照顧太太,治療過程艱辛,但夫婦同心安然度過。2015年梁潔華宣布戰勝血癌,不過打後五年就是康復觀察期,近年華哥不時拖住梁潔華公開露面,分享力抗血癌的經過。

黃日華

黃日華早年貼身照顧太太,經常出入浸會醫院探梁潔華!


黃日華

治療過程艱辛,但夫婦同心安然度過。



15年本刊記者見華哥與太太現身九龍城,當時梁潔華狀態非常好,笑臉迎人。

對於黃日華全天候照顧,當時梁潔華曾公開讚他是好老公:「佢試過朝早飛去第二度做嘢,夜晚嚟醫院問我有冇事,然後先至返屋企!我見到佢好辛苦,我好感動!冇咗佢都唔知點算!」


結婚35年,夫婦二人互相扶持,黃日華亦曾向太太深情剖白說:「我很感謝太太的堅強,願意勇敢面對這個病,我很榮幸成為她的丈夫,這麼多年來,她一直照顧我,也提點我改善缺點,令我長大成為更好的人。」




五年的觀察期未過,最近再有傳梁潔華舊病復發不時進出醫院,黃芷晴早前出席公開活動時否認,她說:「媽咪每星期會進行一至兩次定期檢查,因為佢嘅抵抗力較常人低,容易發燒感冒,所以依家冇嘢做喺屋企休息。」華哥回應太太情况時表示梁潔華的指數升了需要觀察,但沒有大礙。



黃芷晴早前出席公開活動時否認媽媽舊病復發。




雖然黃氏父女都否認傳聞,但事實上近半年已不見梁潔華公開露面,熱愛粵劇藝術的她早前離奇缺席兩場有份搞的粵劇表演。上月初師傅文千歲為自傳舉行發布會,都是只由華哥代表出席。據知華哥向來報喜不報憂,佢寧願自己辛苦完,等太太真係好番晒先至出嚟講。聽聞最近佢哋都冇再住大埔比華利山別墅,因為嗰度依家好多藝人住,所以搬咗去另一個低密度屋苑,環境清靜啲等太太可以好好休養。

梁潔華多年來熱愛粵劇藝術。

聽聞華哥夫婦再住大埔比華利山別墅,費事出出入入撞到藝人朋友。


7月華哥出席陳榮峻與吳香倫的婚宴,他表示跟陳榮竣相識40載,彼此關係稱兄道弟,但當晚卻未見太太一同來道賀。

踢咗幾十年波的華哥,是明星足球隊的中流砥柱,但過去幾個月他都絕跡波地,就連明星隊外出比賽都沒有參與。




早前華哥車載梁潔華離開大埔寓所外出,到達市中心的新達廣場停車場泊好車後,本刊記者上前採訪,梁潔華即時擰轉身背向鏡頭,而華哥說到太太的健康問題就顯得有點緊張。

黃日華

現場所見,身穿薄羽絨的梁潔華身體與精神狀況都麻麻,行路非常緩慢,手指與腳踝都出現水腫,華哥小心地拖實太太慢慢行。

泊好車後見到本刊記者採訪,華哥顯得異常緊張,緊握雙手不停狂捽。


現場所見,梁潔華除了行路緩慢要華哥全程拖住扶實,其手指及腳踝都有水腫情況出現,更清楚可見到她的後尾枕已沒有頭髮,用絲巾包住整個頭,再戴上黑色漁伕帽,為了外出保密功夫做到足。

黃日華

華哥體貼地轉身走向太太,當日梁潔華戴了 眼鏡,口罩亦打孖上,全身包到冚。而華哥心口亦掛上一個防菌章,與太太 一樣戴上口罩。

華哥回答記者有關太太身體狀況的題問時,梁潔華全程背向鏡頭低著頭,清楚看到她用絲巾包著整個頭,再戴上黑色漁伕帽。


二人行入商場時,可看到梁潔華明顯比打勝仗時瘦,而且行得很吃力,要把所有力集中在華哥的身上,而華哥亦即時為太太拎住手袋。





還記得今年年初,華哥與女兒黃芷晴接受訪問,在短片中大談梁潔華接受五次化療後出現的副作用,他說:「化療後最大嘅反應就係甩頭髮,我太太好貪靚,第 一次做化療後兩星期佢開始甩頭髮,係撥一撥就甩晒嗰種,佢傷心到大喊,後來佢就用絲巾包住自己個頭,到做晒所有化療,我哋一家人都冇見過佢光頭個樣。」

2014年康復後,梁潔華的頭髮已回復生長,近年她都以清湯掛面的齊蔭短髮示人,但這日見她再次用絲巾包頭,很可能是早前曾經再接受治療導致甩頭髮。




據知患病後的梁潔華,最大心願是能夠健健康康見證女兒幸福嫁人。今年9月芷晴為父親慶生時,只在IG上載兩父女合照,未見母親梁潔華影蹤,而最近放上穿婚紗的照片,即被指恨嫁,據知梁潔華一早買定晒嫁妝,不過之前華哥唔係太接受個女咁早嫁人,但佢知老婆心意,所以最近都軟化咗想屋企辦喜事沖喜一下。

來日方長唔使急,梁潔華一定會好快再回復健康,唔止嫁女,仲會有孫抱,同華哥一齊湊孫享清福就最美滿喇!

今年9月芷晴為父親慶生時,只在IG上載兩父女合照,未見母親影蹤。


阿媽催婚 老竇開綠燈

黃芷晴與圈外男友Jimmy Fung拍拖兩年,有傳華哥早年對女兒戀情甚為反對,不過自梁潔華患病後,華哥知道太太想睇到女兒早日出嫁,他亦開始軟化。早前黃芷晴自爆母親曾send金器嫁妝照片給她,似有所暗示。



日前黃芷晴穿上婚紗行騷,對於婚期,她笑說:「睇番男仔喇,都未求婚,希望自己都可以睇定婚紗。」當記者笑稱黃日華已為嫁女開綠燈,芷晴笑說:「咁順攤?咁就好,唔會擔心,佢哋畀嘅自由度都好大。」



14年梁潔華仍在治療中,芷晴趁中秋節與家人做節,帶埋當時已談婚論嫁的前男友Byran,不過最後分手收場。










鍾意就快D Share啦!
Related Posts Plugin for WordPress, Blogger...