網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年11月21日 星期三

【御用秘書變閒人】做戲好性格都好重要 何綺雲:已經過咗最難過嘅時候 __,何綺雲,

 何綺雲入咗行17年,最初嗰10年係捱得最辛苦
有「御用秘書」之稱嘅何綺雲,喺無綫工作咗17年,雖然拍過唔少劇集,不過好多時戲份唔多,最深刻的角色,亦只係停留喺秘書嘅身份,自從喺今年5月播映完《逆緣 ...


有「御用秘書」之稱嘅何綺雲,喺無綫工作咗17年,雖然拍過唔少劇集,不過好多時戲份唔多,最深刻的角色,亦只係停留喺秘書嘅身份,自從喺今年5月播映完《逆緣》後,直到近日再度回歸處境劇,喺《愛‧回家之開心速遞》中,再次見到佢嘅踪影。



何綺雲早前喺尖沙嘴接受訪問,講到少見嘅原因,佢話:「因為之前少咗拍處境劇,轉咗出去拍劇,始終劇集唔係成日跟住上㗎嘛,所以呢睇落去就好似係少咗喺電視上出現!」佢仲話:「其實我自己都慣咗啲起起跌跌嘅日子,我覺得一個演員,除咗做戲之外,本身嘅性格都係好緊要㗎,我都自己接受咗自己性格。」因為性格比較內歛,何綺雲坦言咁多年碰過唔少釘,或多或少成為一個障礙:「記得有一次劇集宣傳,有一個朋友去咗現場陪我,點知完咗活動佢問點解我個樣咁黑,好似呢想殺人咁嘅款,仲問我係咪好唔開心?」何綺雲聽完都莫名其妙:「我嗰陣係笑緊㗎,原來我一直都俾人呢個感覺。」



唔知何綺雲會唔會覺得係一個障礙?佢好坦白話:「絕對係,呢一個絕對係我一個好大嘅障礙,但係我已經過咗最難過嘅時候,我入咗行17年,最初嗰10年係捱得最辛苦,嗰陣性格好自我,就算啲人唔鍾意我,我都冇乜反應,之後碰過唔少釘,但係都冇特別點樣去處理過,試過有同事專登走過來同我講:『綺雲,點解仲未有人識得欣賞你?』我知道可能佢真係話緊我,點解我仲係喺o依家呢個位置?又或者可能覺得我值得可以有個好啲嘅位置,不過對於我嚟講,已經係過去咗嘅嘢囉,我盡量都唔想俾啲咁嘅嘢影響到我自己,如果因為呢啲說話而令自己唔開心嘅話,真係會死咗好多細胞,點解要咁蝕底呢?就算遇到困難,我都會諗辦法解決,點都會咬實牙關捱過嘅人,我唔會俾自己跌落嚟,衰咗一次就唔可以再衰第二次,除非我唔知道,如果唔係嘅話我一定會去改嘅,其實諗深一層都係關自己性格嘅事。」



經歷過後,何綺雲話:「有陣時望到啲同事講嘢好叻,我都會諗如果我有佢一半嘅話,我都可能唔係o依家咁嘅環境,但係之後再諗深啲,我覺得自己唔係呢類人。藝人其實真係好多方面嘅,有冇後悔過?咁其實我又冇喎,我成日覺得做人嘅嘢,永遠幫到你嘅人只係得自己,好多嘢都係睇你自己個唔過到自己嗰關口,呢樣嘢真係好緊要㗎。得閒嘅時候,鍾意同自己傾偈,提醒自己唔可以呢樣、嗰樣,可能見得太多負能量嘅人,我真係好唔鍾意自己有一啲咁嘅氣質。」佢仲話有一個人唔可以唔提:「我好想多謝Amy(王心慰),佢俾咗好多有啲戲做嘅角色我好多次,如果唔係佢,我諗都唔知點樣喺TVB生存。」



面對即將踏入20年,何綺雲話:「我又真係冇乜計劃喎,我只係希望可以做好我嘅工作,其他我都唔識講啊,可能做咗太多年人喇,有啲嘢夾硬嚟嘅話未必係好咁,不如當即係儲起啲啲嘢,到機會你嘅時候,就可以即刻去做即刻去處理囉,發揮你自己收埋嘅嘢,我知道自己有啲乜嘢障礙,咪盡量令自己唔好行咁多冤枉路!」



採訪:何慧斯

場地提供:The AIR (The ONE)



Google Play 2018 年度最受歡迎應用程式,請即點擊

http://bit.ly/2FCthz5 投《蘋果動新聞》一票



精選娛聞,喺晒《娛果》

http://fb.com/appledailyent



何綺雲入咗行17年,最初嗰10年係捱得最辛苦  攝影:沈健程 攝影:沈健程
 何綺雲坦言咁多年碰過唔少釘

何綺雲坦言咁多年碰過唔少釘
 何綺雲又指慣咗啲起起跌跌嘅日子

何綺雲又指慣咗啲起起跌跌嘅日子
 何綺雲有御用秘書之稱嘅

何綺雲有御用秘書之稱嘅

鍾意就快D Share啦!


Related Posts Plugin for WordPress, Blogger...