掃呢頁CODE去手機

2018年11月8日 星期四

【經典角色】黃藥師金毛獅王最出名 駱應鈞曾飲酒飲到嘔屎? __,駱應鈞,

65歲嘅駱應鈞入行超過40年,喺無綫拍過唔少電視劇,直至2011年離開大台,之後仲加盟港視,不過港視不獲發牌,而駱應鈞亦約滿離開,近年佢仲有份拍唔少電 ...


65歲嘅駱應鈞入行超過40年,喺無綫拍過唔少電視劇,直至2011年離開大台,之後仲加盟港視,不過港視不獲發牌,而駱應鈞亦約滿離開,近年佢仲有份拍唔少電影o添!



多年嚟做過唔少配角,駱應鈞仲曾經接受訪問講過,做配角唔算最委屈,最委屈是以為自己終於有人識,點知轉頭叫你做番路人,因為事業失意,佢仲寄情飲酒:「我飲酒係因為冇事業,冇嘢值得自豪所以喺飲酒搵番自豪。」佢仲話過百罐啤酒,六、七支烈酒都係平常事。而令佢開始響起警號嘅就係有次醉到不省人事,喺模糊中記得嘔無可嘔,竟然嘔咗一嚿屎出嚟。



咁駱應鈞當年佢有咩經典角色呢?



《壹號皇庭》周文彬

駱應鈞加入大台後主要都係飾演唔少反派,不過喺90年代《壹號皇庭》系列入面,佢就飾演警長周文彬,角色性格剛正忠厚,令佢嘅戲路更進一步。戲中更係由佢擊斃最大奸角方偉豪(林保怡飾),劇中佢仲同林漪娸有kiss戲㖭!



《射鵰英雄傳》、《神鵰俠侶》黃藥師

飾演黃藥師嘅駱應鈞都非常經典,因為佢先後喺94年嘅《射鵰英雄傳》同95年嘅《神鵰俠侶》都分別飾演東邪,而駱應鈞汝有大派參演反派嘅經驗,令佢表現出東邪嘅邪氣感覺。



《倚天屠龍記》謝遜

喺2001年吳啟華主演嘅《倚天屠龍記》中由駱應鈞飾演主角張無忌嘅義父金毛獅王謝遜,演活角色中性格豪邁之餘亦心細如塵,而佢嘅演出亦令佢被封為「最佳金毛獅王」之一。



精選娛聞,喺晒《娛果》

http://fb.com/appledailyent





駱應鈞飾演主角張無忌嘅義父金毛獅王謝遜 駱應鈞飾演主角張無忌嘅義父金毛獅王謝遜
佢被封為「最佳金毛獅王」之一

佢被封為「最佳金毛獅王」之一
演黃藥師嘅駱應鈞都非常經典

演黃藥師嘅駱應鈞都非常經典
佢表現出東邪嘅邪氣感覺

佢表現出東邪嘅邪氣感覺
90年代《壹號皇庭》系列入面,佢就飾演警長周文彬

90年代《壹號皇庭》系列入面,佢就飾演警長周文彬
駱應鈞喺劇中同林漪娸有kiss戲

駱應鈞喺劇中同林漪娸有kiss戲

鍾意就快D Share啦!