網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年11月29日 星期四

【又再以貌取人?】甜美參賽者唱歌不堪入耳 吳亦凡行使特權破格取錄 __,吳亦凡,

《下一站傳奇》呢個節目為咗製造話題,真係可以去得好盡,話知觀眾點鬧點負評都好,總之就抱住「語不驚人誓不休」嘅態度。是咁的,最新一集有位參賽者王芷嫣,外 ...




《下一站傳奇》呢個節目為咗製造話題,真係可以去得好盡,話知觀眾點鬧點負評都好,總之就抱住「語不驚人誓不休」嘅態度。

是咁的,最新一集有位參賽者王芷嫣,外形的確係甜美可愛討好(好多人都話佢好做作),係個擁有31萬直播圈fans嘅主播。不過,佢歌唱實力就被網民評為「連節奏都跟唔上」、「調咗音都咁樣,現場聽應該更可怕」,而評審之一嘅周筆暢亦未等佢唱完已經按下淘汰鍵,仲俾出評語:「我覺得你要感謝鍵盤老師,因為他一直在跟你。」相信大家都明白周筆暢講得相當客氣,實際上應該係不堪入耳。

一個如此質素嘅參賽者,吳亦凡竟然按綠燈表示取錄,就算另外兩位拍檔都決定以紅燈否決吳亦凡嘅決定,選擇淘汰王芷嫣,佢都依然故我,行使「金按鈕」特權,無視拍檔意願,破格取錄王芷嫣,令王芷嫣開心到衝上台攬實吳亦凡。

對於吳亦凡此舉,現場觀眾立即傳出噓聲並大叫「換人」,但吳亦凡就咁樣講:「為什麼要換人?我來這個地方如果是為了找特別成熟的藝人的話,那不是這個節目。我覺得這個節目是一個能夠給予年輕人更大的一個平台,讓他們去成長,給他們一個展示自己的機會,可能平時不會有這樣的人給到他們這樣的舞台。也許你們現在非常不喜歡王芷嫣,也許你們對我的選擇有意見,我覺得很正常,沒關係。但是,我覺得要公平給予每個人一個舞台,這個舞台不是讓你們來看明星,那你們去演唱會就好了。王芷嫣是我選的,我有我的想法,我有我來這個節目的目標,跟我想要打造一個戰隊的樣子,這是我今天想要說的話,也是我今天的決定。」

嘩,講到好大義凜然,好有男子氣慨喎。不過唔好忘記,佢上兩集先至以貌取人,話人哋外形「太逗了」,然後短短3秒就叮走有實力參賽者,搞到人哋差啲淚灑舞台。所以,網民都留言寸佢:「之前連聽都無聽就直接淘汰參賽者嘅人係邊個?」

唱得嘅3秒淘汰,唔唱得嘅破格取錄,心水清嘅觀眾除咗鬧吳亦凡,亦指出呢啲都係節目預先安排嘅情節,目的都係想引起大家關注同討論。不過吳亦凡啲fans就覺得難為咗偶像,話:「點解次次都要吳亦凡為節目效果做醜人?太委屈喇!」只能夠話,牛唔飲水唔撳得牛頭低。

鍾意就快D Share啦!