黃秋生認為現在流傳了很多藍潔瑛傳聞都是不可以相信，而且是對死者不敬。
影帝黃秋生到油塘為ViuTV新劇《理想國》開工，一身囚犯造型的他獨力拍攝一個單元，45分鐘內演獨腳戲，秋生說：「幾甘，得把聲同我做戲，情緒又高高低低。（難你唔到？）難到呀！唔識做，一陣觀眾睇三分鐘就熄機！（你係影帝級喎！）好耐喇我呢啲，係舊款要退役，要送去堆填區。（再拎？）唔好喇啩，畀新人啦，畀郭富城呢啲新進影帝，畀又唔係，畀我又情何以堪呢？我都係一個人演算喇！幾得意，舞龍舞鳳都得呀！（拍多個單元？）本來都叫我拍多個，但係睇完劇本推咗，角色太後生又有靚女，但愛情戲真係唔識做。」
提到藍潔瑛離世，秋生表示不認識對方，但對其死後一些新聞大抱不平：「有製作人話佢嘈要返酒店，又話收唔到錢唔開工，你估茶餐廳咩！食完先畀錢，抽水仲要大仁大義咁，我依家係半退休狀態，遇唔到呢啲衰人，我覺得係完全冇問題，我唔信藍潔瑛咁傻，突然話要住五星級酒店，呢啲係開工前傾好！以前好多人都拖人工，畀着係我12點收唔到錢，我落妝停工即走添！人都走咗要有同情心，呢啲圈內人聽咗就知唔係道理。」
----------------------------
東網巨星開咗ig喇，大家快啲follow
https://bit.ly/2JjSVcr
來源 source: http://hk.on.cc
|
鍾意就快D Share啦！
|
|
|
