網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年11月28日 星期三

上年前妻白百何被爆偷食 陳羽凡吸毒被捕 __,

 (資料圖片)
【新增內容】中國組合「羽泉」成員陳羽凡同大陸女星白百何結婚多年,不過去年白百何紅杏出牆,同男模張愛朋喺泰國私密旅遊嘅新聞被人爆出後,白百何形象大插水, ...


【新增內容】

中國組合「羽泉」成員陳羽凡同大陸女星白百何結婚多年,不過去年白百何紅杏出牆,同男模張愛朋喺泰國私密旅遊嘅新聞被人爆出後,白百何形象大插水,後來仲要佢嘅歌星老公陳羽凡出嚟救駕,話同老婆白百何早已離婚,但網民一般都唔多信,因為佢兩個關係依然仲好密切。不過佢兩公婆都幾多麻煩事,噚晚有網民喺網上爆料話「陳羽凡吸毒被抓」,爆料者話陳羽凡吸毒被抓絕對可靠,仲話陳羽凡依家喺辦案中心,估計唔止佢一個,仲有其他人。



而白百何一直冇就陳羽凡吸毒被拉傳聞回應,傳媒向經理人求證,但對方手機一直關機,公司合夥人汪先生就話對佢吸毒嘅傳聞唔知情,稱近日並冇聯繫過羽凡本人。直至今日陳羽凡工作室就發聲明,表示強烈譴責。聲明正文稱:「網路不是法外之地,對於造謠陳羽凡先生以及散播謠言的各種不時行為,我司表示強烈譴責。」



而另一方面,北京石景山公安局喺微博發文:「石景山公安分局根據群眾舉報,在本市某社區抓獲2名涉毒違法人員陳某(男,43歲,歌手)和何某某(女,25歲,無業),現場起獲冰毒7.96克、大麻2.14克。經尿檢,陳某呈冰毒類和大麻類陽性,何某某呈大麻類陽性」。據悉,陳某因吸毒、非法持有毒品遭到警方拘留。而喺呢單警方發文出現之後,陳羽凡工作室嘅聲明已經被刪除。



另外,原定12月25號於北京舉行「羽泉」演唱會,主辦方發出聲明,稱:「獲羽泉經紀公司通知,因藝人個人原因,取消原訂於2018年12月25日在北京工人體育館舉辦的《獲得·羽泉20週年演唱會北京特別版》。已經訂票的觀眾,原訂票渠道會盡快退回票款。」



據知,陳羽凡與拍檔胡海泉一齊經營嘅餐廳喺事發前一晚開張,陳羽凡當日亦有出席開張聚會,翌日陳羽凡被捕。



精選娛聞,喺晒《娛果》

http://fb.com/appledailyent



(資料圖片) 陳羽凡噚晚傳出吸毒被公安拉咗。(互聯網照片) 陳羽凡噚晚傳出吸毒被公安拉咗。(互聯網照片)
當年白百何同陳羽凡生咗囝囝後,一度非常恩愛。(互聯網照片)

當年白百何同陳羽凡生咗囝囝後,一度非常恩愛。(互聯網照片)
羽泉演唱會主辦方發出聲明,將取消演唱會(微博圖片)

羽泉演唱會主辦方發出聲明,將取消演唱會(微博圖片)
陳羽凡被捕前一晚同拍檔胡海泉出席餐廳開張聚會(微博圖片)

陳羽凡被捕前一晚同拍檔胡海泉出席餐廳開張聚會(微博圖片)

鍾意就快D Share啦!