掃呢頁CODE去手機

2018年11月15日 星期四

【獨家】女途人衝出觀塘道 三車連環相撞唐詩詠夾中間 __,唐詩詠,

採訪、攝影:楊浩賢、陳辰
今晚約10時,37歲嘅唐詩詠駕駛座駕途經觀塘,在apm對出嘅觀塘道發生三車連環相撞交通意外,據現場目擊人士透露,事發時有名女子突然由欄杆跳出馬路,由於 ...


今晚約10時,37歲嘅唐詩詠駕駛座駕途經觀塘,在apm對出嘅觀塘道發生三車連環相撞交通意外,據現場目擊人士透露,事發時有名女子突然由欄杆跳出馬路,由於當時馬路上交通繁忙,幸而唐詩詠前面嘅車輛趕及緊急煞車,並冇撞到衝出馬路嘅女子,不過,第二架車嘅唐詩詠煞掣不及,結果撞向前面座駕,唐詩詠嘅座駕車頭被撞凹了,而在佢後面嘅第三架車,亦因收掣不及撞花車身,幸好事件冇人受傷。



有途人目擊意外發生報警,《蘋果》記者在現場見到唐詩詠在意外發生後,表現驚慌,呆坐車內一會兒後落車視察情況,見佢拍晒心口,驚魂未定,記者即上前慰問有冇受傷,唐詩詠說:「冇事!冇事!」並跟其他兩位車主商討情況。由於現場頗大風,唐詩詠一頭長髮被吹起,搞到「頭髮亂了」。警察到場後,分別為唐詩詠等人「吹波波」做酒精呼氣測試。



事後問番唐詩詠,佢講番事發經過:「就係我哋行緊嘅時候,突然間前面有個女人衝出嚟,我隱約見到唔知係唔係嘅時候,開始dup車嘅時候就dup唔切,咁我哋就3車撞咗。(車頭撞毀嚴唔嚴重?)都…算啩!少少凹咗。」問到佢驚唔驚?唐詩詠手按心口、驚魂未定咁話:「好驚!我好驚係個女人…係我架車撞到前面嗰架,我驚隔籬嗰啲撞到佢,好驚呀!因為我係第一次咁樣撞車咋,即係有個人衝出嚟咁樣。」



唐詩詠又話,已經settle咗啲嘢,佢苦笑住表示:「都已經settle咗啲,好彩我唔係第一架車,如果唔係我諗我會嚇死。」



精選娛聞,喺晒《娛果》

http://fb.com/appledailyent



採訪、攝影:楊浩賢、陳辰 意外發生後,唐詩詠用手按住心口,表現得好驚 意外發生後,唐詩詠用手按住心口,表現得好驚
詩詠驚魂甫定後,就落車視察情況

詩詠驚魂甫定後,就落車視察情況
詩詠架車夾咗喺黑、紅車中間

詩詠架車夾咗喺黑、紅車中間
隔咗一陣,警察就嚟到現場

隔咗一陣,警察就嚟到現場
見到警察後,詩詠先開始有番啲笑容

見到警察後,詩詠先開始有番啲笑容
警察到場後,唐詩詠接受「吹波波」酒精呼氣測試

警察到場後,唐詩詠接受「吹波波」酒精呼氣測試
雖然撞車,但好彩嘅係詩詠冇事,只係撞凹車頭

雖然撞車,但好彩嘅係詩詠冇事,只係撞凹車頭
詩詠同其他車主商討情況

詩詠同其他車主商討情況
由於現場頗大風,詩詠一落車,啲頭髮就被風吹到亂晒

由於現場頗大風,詩詠一落車,啲頭髮就被風吹到亂晒

鍾意就快D Share啦!