掃呢頁CODE去手機

2018年11月8日 星期四

【娛樂人物】童星到甘草感情低調儍姑陳安瑩不婚 __,

不經不覺間,陳安瑩已入行逾50年,演過無數經典綠葉角色的她,覺得演戲入人心比獎項更重要。
不經不覺間,陳安瑩已入行逾50年,演過無數經典綠葉角色的她,覺得演戲入人心比獎項更重要。大家對陳安瑩的印象,不離83年劇集《射鵰英雄傳之東邪西毒》中的 ...


大家對陳安瑩的印象,不離83年劇集《射鵰英雄傳之東邪西毒》中的「儍姑」。由粵劇童星做起,入行已逾50年的陳安瑩不經不覺已61歲。不少女士視丈夫肩膀為最大依靠,但跟男友拍拖三十多年的她,坦言早已打算不婚:「我成日同男友講,如果呢一刻唔同我一齊,鍾意咗第二個,我真係冇所謂。」

採訪︰羅婉玲

攝影︰林德雄

陳安瑩在83年的《射鵰英雄傳》中飾演儍姑,是她最深入民心的角色之一。電視圖片 陳安瑩在83年的《射鵰英雄傳》中飾演儍姑,是她最深入民心的角色之一。電視圖片

現年61歲的陳安瑩入行逾50年,是圈中的金牌綠葉,她最令人印象深刻的角色,莫過於是83年在劇集《射鵰英雄傳之東邪西毒》的「儍姑」一角。現實世界的陳安瑩當然一點也不儍,多年來甚少談及感情的陳安瑩,日前接受《蘋果》專訪,罕有提及男友,盡顯她的智慧。

陳安瑩有位拍拖超過三十年的男朋友,原來她早已決定不婚:「以前阿媽話唔過30歲唔好結婚,到過咗30歲結乜鬼婚。我成日同男友講,如果呢一刻唔同我一齊,鍾意咗第二個,我真係冇所謂,有人煲湯畀佢、照顧佢,點解唔愛屋及烏呢?多年來嘅相處,大家有好大自由度,最緊要開心過每一天。

開心源自知足。陳安瑩畢業於第8期藝員訓練班,轉眼間今年已是畢業40年︰「40年我哋一班同學,下個月會聚一聚。」最近她看回當年跟艾威、黃造時、景黛音、梁潔華受訓的片段,她笑稱︰「嗰時我瘦幾多,睇番條片,人哋話最認得就係我把聲,哈哈哈。」



演戲入人心

能夠在娛樂圈屹立多年,全因陳安瑩對自己的要求一絲不苟:「有時演戲企後面,對白唔到我講,但睇人哋演繹都係在職培訓,我希望自己有進步,即使做甘草都唔可以脫節。」演技是毋庸置疑,可惜她總與獎項無緣。她淡淡地說:「雖然當年冇呢啲獎,但係入到人心入面,比起嗰嚿嘢(指獎座)仲大。」

陳安瑩的演藝路並非由79年讀藝訓班開始,而是始自她幾歲大的童年。當年陳媽媽是粵劇演員鄧碧雲母親的契女,陳安瑩自小便稱呼「萬能旦后」鄧碧雲為碧姨媽。不過,後來陳安瑩當上電視台藝員後,在無綫看到鄧碧雲居然掉頭走:「碧姨媽問我阿媽,做乜我會咁驚青掉頭走?其實我唔想畀人知,同碧姨媽嘅關係,當時自己唔想靠人,只想靠自己。」



陳安瑩曾以丁艷作藝名,在粵劇界當童星。

陳安瑩曾以丁艷作藝名,在粵劇界當童星。
陳安瑩79年參加無綫電視藝員訓練班,再踏入娛圈。資料圖片

陳安瑩79年參加無綫電視藝員訓練班,再踏入娛圈。資料圖片
陳安瑩約6、7歲時,跟關德興上契,左為關德興太太。

陳安瑩約6、7歲時,跟關德興上契,左為關德興太太。

關德興契女

一句「靠自己」道盡陳安瑩的傲骨。陳安瑩自小學大戲,在6、7歲就跟關德興師傅上契,60年代末的《黃飛鴻》系列,都總會看到這位童星演出。不過戲行太多規矩,長大後她沒有再做大戲,更將其衣箱賣掉。直至中學畢業後,她才重投演戲,報讀藝訓班。

12年陳安瑩離開了工作33年的無綫,之後曾轉投王維基旗下的港視,現為ViuTV效力。有後悔嗎?陳安瑩說:「都唔會,喺邊度做戲都一樣,做戲滿足感喺自己度,我先至係最大得着。」最近陳安瑩在網劇《蝕日風暴》中,飾演台灣男星王陽明媽咪,表現甚搶鏡。她一面回憶,一面大笑說:「佢(王陽明)真係好高大、好靚仔,戲入面我老公又高大而我又靚,所以生咗佢咁靚仔,哈哈!」

場地提供︰The AIR(The ONE)




鍾意就快D Share啦!