掃呢頁CODE去手機

2018年11月3日 星期六

【狗仔出更】負責訂飛約睇屍殺片場 佘詩曼遲到喪跑 __,佘詩曼,

攝影︰徐錦池、孔志豪
早前忙完《廷禧攻略》嘅孄妃佘詩曼(阿佘),呢排佢就留守喺香港休息,唔使開工緊係搵吓朋友聚一聚啦。早前下午3點半左右,《蘋果》喺九龍塘又一城撞到阿佘,佢 ...


早前忙完《廷禧攻略》嘅孄妃佘詩曼(阿佘),呢排佢就留守喺香港休息,唔使開工緊係搵吓朋友聚一聚啦。早前下午3點半左右,《蘋果》喺九龍塘又一城撞到阿佘,佢着住黑色有帽運動衫裙襯白襪波鞋,十分輕便,但見佢喺停車場泊好車之後,就以9秒9速度喪跑,記者上前問阿佘,佢話︰「我唔得閒呀!趕時間。」



阿佘行去戲院方向,原來約咗班老友周家怡、黃德斌、戚其義、麥子樂、何啟南等人睇戲,可能係阿佘負責訂飛,佢又遲咗,所以成班人喺戲院度等佢,阿佘去到售票處櫃位,佢即係攞張卡出嚟。好快攞咗飛之後,佢哋一行八個人浩浩蕩蕩咁入場。



阿佘等人究竟睇咩戲呢?答案係︰《屍殺片場》。睇完戲之後,佢哋行出戲院,各人都有講有笑討論劇情,而黃德斌手上仲攞住架摺疊單車,佢同戚其義特別好傾,之後佢哋一行人,行去商場另一層一間越南餐廳坐低食飯繼續吹水。



呢排有好多好戲睇,前日下午5點左右喺中環ifc,《蘋果》又撞到一身牛仔look嘅任達華,同一身黑色打扮嘅琦琦,佢哋兩公婆暫時撇低囡囡,過吓二人世界拍住拖去戲院,華哥負責排隊買飛,而琦琦就企埋一邊講電話等。當買完飛之後,琦琦一個箭步行入戲院,而華哥臨行去入戲院前,被兩名fans截住求合照,向來順得人嘅華哥當然好樂意,影完合照先入場。



精選娛聞,喺晒《娛果》

http://fb.com/appledailyent



攝影︰徐錦池、孔志豪 阿佘泊好車,跑住去戲院。 阿佘泊好車,跑住去戲院。
去到大家等緊佢攞咭取飛。

去到大家等緊佢攞咭取飛。
阿佘遲到,攞飛時佢笑笑口。

阿佘遲到,攞飛時佢笑笑口。
原來阿佘約咗周家怡、戚其義、黃德斌等人睇戲。

原來阿佘約咗周家怡、戚其義、黃德斌等人睇戲。
麥子樂去買咖啡飲。

麥子樂去買咖啡飲。
佢哋睇完戲之後,浩浩蕩蕩咁離開戲院。

佢哋睇完戲之後,浩浩蕩蕩咁離開戲院。
阿佘行出嚟時,邊行邊睇電話訊息。

阿佘行出嚟時,邊行邊睇電話訊息。
阿佘一身便服打扮,同周家怡一齊行。

阿佘一身便服打扮,同周家怡一齊行。
黃德斌手持摺疊單車,同戚其義好好傾。

黃德斌手持摺疊單車,同戚其義好好傾。
佢哋一行八人入咗越南餐廳繼續吹水。

佢哋一行八人入咗越南餐廳繼續吹水。
任達華(右一)排隊買飛,老婆琦琦(左一)外面等。(攝影︰羅德光)

任達華(右一)排隊買飛,老婆琦琦(左一)外面等。(攝影︰羅德光)
琦琦邊等邊講電話。

琦琦邊等邊講電話。
 琦琦入場先。

琦琦入場先。
期間有fans搵華哥合照。

期間有fans搵華哥合照。
之後華哥先入場。

之後華哥先入場。

鍾意就快D Share啦!