2018年11月28日 星期三

仲記唔記得佢兩個? 童星王秉熹浸大畢業 勇奪全球大學電影獎 __,

王秉熹feature
仲記唔記得佢兩個?童星王秉熹浸大畢業勇奪全球大學電影獎【童星兄弟】要數童星界嘅代表人物,一定唔少得王秉熹(Jeffrey)同王樹熹(Jacky仔)兩兄 ...


仲記唔記得佢兩個? 童星王秉熹浸大畢業 勇奪全球大學電影獎



【童星兄弟】要數童星界嘅代表人物,一定唔少得王秉熹(Jeffrey)同王樹熹(Jacky仔)兩兄弟,佢哋而家已經分別23歲同19歲,大個仔喇!雖然冇拍戲一段時候,但係兩兄弟對影視嘅興趣,更加由幕前延展到幕後,Jacky仔而家喺城大讀緊媒體與傳播,而哥哥Jeffrey,就啱啱喺浸大電影系畢業,導演作品仲要攞咗個「全球大學電影獎  」添呀!

撰文:SundayKiss  圖片:新傳媒資料室、Jacky仔ig、劇照 | 編輯:東方新地





童星王秉熹勇奪全球大學電影獎

Jeffrey同Jacky仔感情好好!哥哥畢業,細佬點會唔撐場!



A post shared by (@wongshuheijacky) on



23歲嘅Jeffrey,雖然大個咗,但係仲搵得番細個嗰個樣。反而Jacky仔,就高咗瘦咗,以前嗰種童稚消失哂!



A post shared by (@wongshuheijacky) on



「全球大學電影獎  」一直被視為促進香港及大中華區內專業人士、學者及學生融合的盛事。Jeffrey係今屆唯一得獎嘅香港學生,相信呢個獎項可以令佢更有信心追尋自己嘅導演夢!

王秉熹



中學讀喇沙 靠《哈利波特》學好英文

中學時就讀喇沙書院嘅Jeffrey,原來當初升讀名校之初,都遇過挫折。王媽媽喺專訪中表示︰「哥哥考喇沙,係因為當時佢讀嗰間小學認為佢得,建議佢試吓,結果得咗。最初,佢英文程度一定唔夠人哋叻,中文就冇問題,咁啱嗰陣流行《哈利波特》,佢好沉迷,中文小說版每日可以睇七十幾頁,相反英文就睇得十幾版。我好嬲,撕爛晒佢七本書,佢好傷心喺度喊。同佢講,如果你想睇,我會買番七本英文版俾你睇,送埋本字典俾你查。因為佢追緊結局,焗住要睇英文版,逐粒字查字典,我仲叫佢,見到啲覺得有用嘅句子就抄低。結果,三個月之內,佢英文成績跳升至全班第一。」王媽媽當初嘅狠下心腸,就造就咗兩兄弟嘅好成績喇!



A post shared by (@wongshuheijacky) on



Jeffrey喺《宮心計》中飾演杞王,係幫陳豪重掌朝政嘅關鍵人物。

令人印象深刻嘅,一定唔少得《十兄弟》裡面嘅「大喊十」



09年嘅《大冬瓜》,就係Jeffrey告別童星年代嘅演出喇!



Jacky仔因升中淡出

小五嗰年,Jacky喺螢幕上突然失蹤,原來一切都係王媽媽嘅計劃。為咗要Jacky仔專心為升讀中學作好準備,所以刻意斷絕Jacky仔所有工作,最終Jacky仔都不負所望,考入第一志願中學。



王媽媽話,Jacky仔細個時,補習、興趣班,乜都冇!興趣就係拍戲,所以王媽媽同兩兄弟講:「如果你哋鍾意拍戲,一定要早啲溫習課本,做好準備,就算測驗、考試,佢哋都會照樣拍戲,冇問題,因為一早已溫晒書。況且佢哋對自己要求都好高,成績少過九十分都覺得差。Jacky仔由一至六年級都係優異生,哥哥喺五、六年級嗰陣,仲係全級第一名,從來都唔需要學其他嘢惡補。」



A post shared by (@wongshuheijacky) on



而家喺城市大學讀媒體與傳播系嘅Jacky仔,依然好鍾意做戲,仲希望畢業之後可以做番「本行」!



A post shared by (@wongshuheijacky) on



入到大學,Jacky仔讀書成續依然好好,GPA 有3.6,仲想以交換生身份去美國或者英國,學多啲嘢!



A post shared by (@wongshuheijacky) on



07年同歐陽振華拍《爸爸閉翳》,佢叫Jimmy仔。

09年同苗喬偉、袁詠儀拍《疑情別戀》。



Jacky仔仲同肥姐同台合作過㗎!



陳詩慧喺街頭被星探發掘

喺大台劇演盡靚花旦童年嘅陳詩慧,曾經係《宮心計》同《公主嫁到》嘅童年佘詩曼,《女拳》中嘅童年陳法拉,吓吓真眼淚演繹,真係睇到人心都實晒!不過自從升中之後,已經冇乜再見佢拍劇喇!眨吓眼,小三好而家已經係個17歲嘅美少女,出年(19年)4月,就要考DSE喇!

陳詩慧

陳詩慧18個月大已經好可愛,又淡定!

陳詩慧同家姐小慧,兩個都係童星,兩姊妹都係因為個樣得意可愛,畀星探喺街頭發掘!



家姐小慧係御用政府宣傳片同教育電視童星,因為13歲已經係童星嘅尷尬年齡,所以小慧就暫別銀幕,專心讀書。

而詩慧05年就開始拍電影,先後拍過謝霆鋒、房祖名主演嘅《男兒本色》。



仲有古天樂、大S嘅《保持通話》,部部都係大片。





就係因為《保持通話》嘅演出,畀大台監制梅小青賞識,於是就邀請詩慧飾演《宮心計》入面嘅小三好!

拍《宮心計》嗰陣,詩慧幾乎場場戲都要喊,但係一樣難唔到佢!



頭兩集就做小三好,到大結局就做三好個女,鄭嘉穎飾演嘅高顯揚,就係佢「爸爸」喇!

小三好與小金鈴當時都好受觀眾歡迎㗎!但係因為喺片場有私家椅坐,又可以自由出入化妝間,所以搞到其他小朋友眼紅



到拍《公主嫁到》又再「連戲」做佘詩曼嘅小時候同囡囡,其實真係似樣咩?

喺《女拳》扮演童年陳法拉,辛酸兼缺乏母愛,絕招依然係喊得夠自然!



拍《法證先鋒III》,同視帝黎耀祥做父女。

《流浪漢世界杯》,同黎姿有唔少對手戲。



據聞詩慧曾獲邀演出周杰倫主演嘅《逆戰》,但係因為電影公司要求hold詩慧兩個出埠拍攝,陳媽媽覺得太困身,又好難同學校請咁長假,所以最後都係推咗,六位數字嘅片酬見財化水喇!不過失去一次機會,詩慧仍然有好多演出機會,仲同好多大卡士合作過!好似有林峯

有蔡少芬



有張可頤

仲有張家輝!





詩慧喺電視嘅出鏡率一度好高,但係到4年班上學期,考試成績唔理想,老師勸她專注學業,不過佢仍然堅持拍劇,後來入咗元朗區官立中學之後,就開始暫停拍劇喇~


A post shared by @ on

詩慧今年已經17歲,同家姐小慧一樣,大個咗都係咁靚女,戴起副大框眼鏡,仲有幾分文青氣息!



A post shared by @ on



細個時個樣仲喺度,不過就多咗好多少女味



A post shared by @ on

見到佢ig有Drama嘅相,仲攞咗個最佳女主角獎添!相信詩慧對演戲仲好有興趣嘅!



A post shared by @ on



出年就要考DSE,相信詩慧嚟緊都會以學業為重!唔知考完試之後,仲有冇機會睇到佢喺幕前演出呢?



A post shared by @ on



吳諾弘 四年級已在學界稱王

最近熱播嘅大台劇《是咁的,法官閣下》,片頭一幕黃智賢同關禮傑喺終審法院大樓門前嘅一場格劍畫面,唔知大家有冇留意?為呢場戲擔任指導嘅,就係由童星晉身成劍擊手嘅吳諾弘擔任指導㗎喇!由3、4歲開始做童星,而家諾弘已經19歲,而且早兩年仲選擇暫時休學,全職做港隊劍擊手!



諾弘小學讀嘅啟基學校,自95年創校,成立劍擊隊超過17年,多次成為九龍區學界團體冠軍,唔少港青、港隊代表,都係出自呢間學校,當中包括崔浩然及最年輕的亞運代表鄭曉為,稱得上係「港隊搖籃」。

吳諾弘





2012年,諾弘成功考入拔萃男書院,5年嘅學界生涯,為學校同自己都贏咗唔少獎。



其中包括有「學界奧斯卡」之稱嘅中銀香港紫荊盃- 最佳運動員(劍擊)。





成為職業運動員後,吳諾弘經常都會隨港隊到世界各地參加比賽,早前至喺亞洲U23劍擊錦標賽,同隊友一齊贏得男子花劍團體賽金牌。



棄讀男拔 做全職運動員

喺拔萃男書院讀到中五,諾弘因為考慮到運動員嘅黃金期實在好短暫,於是就同父母表示想休學,投身成為全職運動員。



而父母對諾弘嘅諗法亦都相當支持,認為讀書幾時讀都得!



吳諾弘 擔任劇集劍擊指導

幫大台拍咗十幾年劇,今次諾弘喺劇組就有一個新身份,就係劍擊指導喇!



其實諾弘同Ben哥哥黃智賢都有少少淵源㗎!





十幾年前,Ben哥哥仲好後生,諾弘仲好細個嗰陣,佢哋已經一齊拍過廣告㗎喇!唔知Ben哥哥睇番呢張合照,會唔會好感觸呢!



細細個有唔少時間都係喺片場度過,拍過嘅劇都唔少


第一次拍劇

諾弘第一次拍劇,就係2005年嘅《心花放》,當時係做陶大宇同向海嵐嘅囝囝,不過陶大宇係唔知諾弘係佢個仔嚟㗎!



《酒店風雲》就做郭可盈同馬神個仔喇!





《荃加福祿壽探案》都算突破喇!唔係做人個仔同細佬,而係做鍾嘉欣嘅情郎!?冇錯!!一定係拍於《殺人犯》後,因為戲入面係講佢患有罕見不老症!





阿姐喺劇中係偵探社社長,即係負責拉佢



《宮心計》入面就做皇子李怡,即係童年版嘅陳豪。





喺戲入面明明好醒,但係就要詐傻保命



09年,開始大個仔喇,同蔡少芬拍《飛女正傳》,就係做一個好老積嘅小朋友,睇唔起戲入面嘅蔡少芬想討好佢,嫁畀佢Daddy。







拍《最美麗的第七天》,當年唐詩詠仲係成日做緊人哋個妹,而家都做咗視后喇!





《巨輪》入面嘅少年羅威信,應該係近年觀眾深刻啲嘅角色喇!咁睇又確係同蕭公子有啲似樣





拍《巨輪》成日都要過澳門取景。



最辛苦就係要扮偷渡客,上山下海咁同阿哥由大陸偷渡嚟香港





再大個啲,演出都少咗,客串過《愛回家》啦。



最近期拍過嘅劇,都已經係2015年嘅《四個女仔三個BAR》喇!

鍾意就快D Share啦!
Related Posts Plugin for WordPress, Blogger...