2018年11月8日 星期四

趣聞:麥基哥死剩把口 爆粗寸成龍涉辱華 __,成龍,

(互聯網)有啲人死剩把口,上台打唔贏咩?就希望用言語攻擊你!愛爾蘭「寸嘴哥」麥基哥,一年前以「UFC綜合格鬥王」身份挑戰「不敗拳王」梅韋特,最後被技術 ...


(互聯網)


有啲人死剩把口,上台打唔贏咩?就希望用言語攻擊你!愛爾蘭「寸嘴哥」麥基哥,一年前以「UFC綜合格鬥王」身份挑戰「不敗拳王」梅韋特,最後被技術性擊倒收場。近日梅韋特飛到東京,或會於年尾復出同20歲日本拳手那須川天心上台較技,麥基哥咬實梅韋特唔放,用上荷里活電影《火拼時速》嚟形容呢次對賽組合,明顯認為梅韋特同亞洲人上擂台係自降身份,期間仲爆粗以「Jackie Fxxking Chan」(成X龍)嚟侮辱成龍。麥基哥咁做不單辱華,仲睇唔起日本人,認真衰格。

麥基哥於UFC綜合格鬥界中享負盛名,17年同梅韋特上演「億萬大戰」,雖然不敵梅韋特但都袋走3000萬美元(2.3億港元)獎金(梅韋特勝出擸走1億美元)。麥基哥好打就肯定好打,不過一直口不擇言,得罪人多稱呼人少。梅韋特擊敗麥基哥奪得職業生涯五十連勝後退休,過住奢華生活,今次「復出」令唔少人跌眼鏡。「死敵」重出江湖對戰日本人,麥基哥睇唔過眼,於網上貼出梅韋特同那須川天心合照並寫道:「梅韋特你着緊咩衫?係唔係桑拿服裝嚟?依家你係咩情況,企喺你身邊嗰個垃圾係乜水?你係唔係癲咗?呢個組合就好似拍緊《火拼時速5》,基斯德加拍埋成X龍隔離一樣,真係好X出色。梅韋特你個小賤人,X你!」

雖然受到麥基哥百般侮辱,不過那須川天心好有風度,於網上咁樣回應:「你好麥基哥先生,我個名叫那須川天心,並唔係叫成龍。我答應幫你報仇,請你繼續關注我同梅韋特嘅比賽。」

梅韋特對戰那須川天心一役已舉行發布會,表示比賽會打三回合、每個回合三分鐘,不過事情有戲劇化發展,梅韋特稍後於社交網中打長文否認復出,仲話呢次同那須川天心上台僅係表演,就睇吓未來事件有咩發展。

東網體育同你追實體壇每個精彩時刻! 

https://goo.gl/ewVpvE 


來源 source: http://hk.on.cc
鍾意就快D Share啦!
Related Posts Plugin for WordPress, Blogger...