網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年11月9日 星期五

【開騷撞正老婆預產期】王祖藍好內疚 李亞男叫老公 .. __,李亞男,王祖藍,

就快做老豆嘅王祖藍,呢排好唱口呀!除咗人逢喜事,仲有十二月尾佢演出嘅著名原創聖經音樂劇「唯獨你是王」公演。不過佢個女預產期都係十二月底喎,咪撞晒期!唔 ...




就快做老豆嘅王祖藍,呢排好唱口呀!除咗人逢喜事,仲有十二月尾佢演出嘅著名原創聖經音樂劇「唯獨你是王」公演。不過佢個女預產期都係十二月底喎,咪撞晒期!唔使驚,諗住順產嘅李亞男,為咗撐老公,即轉PLAN。

呢個音樂劇因為口碑好,公演咗幾次,但今次唔係RERUN,而係內容全新 故事繼續係聖經人物大衛,但會以佢軟弱階段為骨幹,好發人心省。女主角係近排唱Live時一顯執生能力同唱功嘅鍾舒漫,音樂總監繼續由音樂大師金培達操刀。雖然呢個劇好有意義價值,但祖藍早排喺分享會,就爆咗為咗個劇,令佢對老婆同個女都好內疚。因為阿亞一直想順產,但預產期分分鐘同公演緊嘅老公撞到正,萬一生得,祖藍仲喺台上演出緊,點飛去陪老婆入產房,見証個女出世一刻呢!

因為咁,阿男為佢改為剖腹生女,揀好日子就唔會錯過。祖藍覺得連生產,都要老婆遷就而感內疚。不過李亞男係好老婆,支持老公為神事奉演出呢個劇,冇乍型之餘,仲開心咁話個女喺佢肚裡,已經同爸爸一齊做事奉!

咁咪好囉!上晏陪完老婆入產房,夜晚埋位開騷。

鍾意就快D Share啦!