許志安早前與一班熱愛跳舞的聾人，一起拍攝手語版《流淚行勝利道》MV，今次又以大愛、共融角度，宣傳新作《教我這麼愛下去》。為宣傳他去到元朗一間老人中心進行探訪，並帶同來自「香港動物輔助治療學會」的三隻受過專業訓練的治療犬，包括擁有不少粉絲的「淡定哥」、還有「不不」和「Tiger」，一起與公公婆婆們歡度了一個愉快的下午。
擁有愛犬Lucky的安仔，明白動物擁有一種能療癒人心的能力，於是提議到護老院探訪的同時，帶同治療犬氹老友記開心。安仔表示：「我歌迷會有義工團，以前都試過同佢哋出去做義工探訪護老院，今次仲帶埋治療犬同行，原意其實想帶歡樂俾佢哋，但實情係治療緊我，因為我可以放下工作，到頭來比佢哋更開心。」
雖然當日有部份老友記未敢與動物進行任何接觸，但最終被安仔和治療犬的熱情所溶化，更有長者主動要求餵動物食零食，安仔還在旁唱粵曲助慶。有一位婆婆更突然問安仔：「你以前係咪同鄭秀文一齊？」頓時哄堂大笑，安仔也大方回應說：「而家都係喎，乜你咁八嘅，咁你知唔知羅家英同邊個？劉浩龍同邊個？沈震軒又同邊個？」
來源 source: http://nextplus.nextmedia.com
|
鍾意就快D Share啦！
|
|
|
