網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年11月3日 星期六

胡定欣:C1:胡定欣笑認不和「唔想見陳煒」 __,胡定欣,陳煒,

TVB大晒冷!胡定欣與舊愛陳展鵬零交流。近二百名無綫藝員昨晚出席節目巡禮,最近因視后之爭傳不和的胡定欣及陳煒,「破冰」孖住受訪,定欣搞笑認「唔想見到大 ...


TVB大晒冷!胡定欣與舊愛陳展鵬零交流。


近二百名無綫藝員昨晚出席節目巡禮,最近因視后之爭傳不和的胡定欣及陳煒,「破冰」孖住受訪,定欣搞笑認「唔想見到大家」!而她又與緋聞舊愛陳展鵬及太太單文柔同場,近距離經過但零交流,惟單文柔自爆定欣有跟她Say Hi。

《2019無綫節目巡禮》昨晚在將軍澳電視城舉行,將來年的劇集節目向現場客戶大晒冷。胡定欣最近因視后之爭傳與《宮心計2深宮計》拍檔陳煒不和,昨日又與舊愛陳展鵬同場,是展鵬婚後二人首次同場,自然成為焦點人物!

有傳定欣日前與多位藝員到星馬宣傳拉大隊杯葛陳煒,二人只有一張合照。現場二人孖住受訪闢謠,定欣講笑認不和:「我特登㗎!我冇去新加坡,煒哥就冇去馬來西亞,係最後一日先喺怡保同場,因為唔想見到大家呀!」問到會否因傳聞影響感情?陳煒說:「得啖笑,可以第一日話我哋糖黐豆,第二日水溝油,第三日就話我哋互相毆鬥㗎喇!」定欣亦表示沒有影響感情,問她是否很想再奪視后?她說:「新聞寫啫!我好支持煒哥,每年呢個時候都有呢啲新聞。(覺得炒熱個頒獎禮?)都係,套劇5月播,依家攤凍咗,有呢啲新聞畀大家溫故知新。(你拎過兩次,讓吓陳煒?)唔使我讓,佢有足夠能力同條件拎。」

單文柔話有Say Hi

對於跟陳展鵬冇交流,定欣沒好氣地說:「呢個都唔係問題,我唔識答,我有見到佢,好似同事咁打招呼,之前都恭喜咗佢結婚。」至於陳展鵬夫婦一同受訪,他說:「現場咁多人,(同定欣)有傾偈,咁我同譚俊彥都冇交流」單文柔亦表示定欣於後台有跟她Say Hi。問到新婚生活,展鵬表示跟婚前分別不大,感覺仍像男女朋友,問是否婚後減產?他說:「好劇本要等,我都一年冇拍劇,係時候拍番,等緊文偉鴻搞好《唐人街》個劇本,同功夫有關,我都要練體能。」

馬國明陪舊愛 心穎冇眼睇

活動上,馬國明被安排與舊愛定欣一同出場,問女友黃心穎可會呷醋,她笑說:「我冇睇到喎!頭先後台幾混亂。」馬國明攬實女友受訪時說:「公司安排啫!」心穎即笑說:「好似你個樣尷尬啲喎!」

每年大合照都顯示小生花旦地位,上屆視帝王浩信企正中間,隔籬是胡定欣、馬國明、黃智雯、袁偉豪,另一邊是唐詩詠、陳展鵬、田蕊妮、郭晉安。對此,浩信說:「可能我同詩詠嚟緊有劇出,做好每次機會唔係擺邊度都冇用。(有信心冧莊視帝?)劇集未播,到時再睇觀眾反應!」另外,現場客戶有機會跟藝員合照,最受歡迎的是馬國明、定欣及浩信。

更多新聞,請瀏覽東方日報網頁:

http://orientaldaily.on.cc/


來源 source: http://hk.on.cc
鍾意就快D Share啦!