掃呢頁CODE去手機

2018年11月7日 星期三

趣聞:丹尼爾被監生切J 主犯妻女有份郁手 __,丹尼爾,

巴西球星柏圖、甘素嘅前隊友丹尼爾(DanielCorreaFreitas),因勾義嫂而被殘殺一案轟動全球,當地警方深入調查後,向傳媒披露更多細節。主犯 ...




巴西球星柏圖、甘素嘅前隊友丹尼爾(Daniel Correa Freitas),因勾義嫂而被殘殺一案轟動全球,當地警方深入調查後,向傳媒披露更多細節。主犯Edison Brittes Junior一段錄音曝光,辯稱丹尼爾早就因酒醉離開其家,希望置身事外。警方資料指丹尼爾係於家中被殺,並於有意識下被切下生殖器,隨後先被監生斬頭致死。另外Edison嘅妻女,亦有參與呢次恐怖殘殺。

丹尼爾早前參與Edison女兒Allana在家參行嘅生日會,該名前聖保羅球員,向朋友事先張揚,當日會同Edison老婆Cris於家中偷情。丹尼爾被Edison發現於床上擒實自己妻子,盛怒下動殺機。巴西UOL體育披露一段,於丹尼爾屍首被發現後,Edison同丹尼爾朋友嘅電話錄音:「我個女依家好傷心,甚至要食鎮靜劑。當日丹尼爾帶咗兩個女人同一個年輕人來到我家,之後飲酒食水煙,冇幾耐丹尼爾已經有醉意。佢接到個電話後就單獨離開我屋企。發生呢次事件,我覺得好遺憾,如果有咩可以幫手,一定要搵我。」

巴西警方認定Edison呢個說法係大話。當地警方指當Edison發現丹尼爾同其妻瞓埋同一張床後,就即時於家中施以酷刑,喺丹尼爾有意識下,監生切下其陰莖,之後用刀狂斬其頸,成個頭幾乎被斬甩,而Edison一家,當中包括妻子Cris同女兒Allana,以及Edison一名友人,總共四人都有份參與殘殺。丹尼爾死後,佢哋四個將丹尼爾放入車尾廂並駕車去到荒野棄屍。

Edison現時已承認殘殺丹尼爾,佢向傳媒表示:「丹尼爾試圖強姦我老婆,我聽到Cris於房中大聲叫救命!我身為老公,一定會咁做,我做咗所有男人會做嘅事!」

問題係單案依然存在好多疑點未解開,消息話自稱醉到啤啤夫嘅Edison係揸埋刀衝入房,並唔係打到丹尼爾半死至去攞刀,似乎早有預謀。佢亦都承認丹尼爾係追緊佢個女Allana,兩年都有參加生日會,不過Allana居然話今年冇邀請到丹尼爾返屋企,幾個口供完全唔夾,所以佢兩父女由上周末至今一直被扣留。

聲稱被姦嘅Cris嘅口供就話,因為自己身體唔舒服提早上床,瞓瞓吓突然發現丹尼爾伏喺佢身上,嚇到佢立刻尖叫:「佢睇嚟好興奮,只係着住底褲,陰莖都豎起埋,仲頂住我……」奇怪嘅係,警方迄今一直拒絕證實Cris係咪有被強姦,按理呢家嘢一驗就知。

東網體育FB同你追實體壇每個精彩時刻!

http://bit.ly/2ecTF2A 


來源 source: http://hk.on.cc
鍾意就快D Share啦!