恩愛嘅嘢會自然流露，就好似陪老婆一齊去洗滌心靈咁～
藝人蘇志威與老婆劉小慧、李國祥及漢洋等人，一行幾人參加辟穀課程，今次身為搞手嘅小慧，話好開心有咁多朋友參加：「今次已經係我第四年去，中間我哋唔可以食嘢，只可以飲黨參水同水，有個中醫跟住我哋成程。（咁靠咩維持生命？）每朝做站樁，吸太陽啦，同埋行山，只係唔用個口去食嘢，用皮膚去吸引能量。（點解吸引你參加咁多年？）幾大部分係想減肥，但同時亦都係洗滌心靈。」而最令劉小慧喜出望外，係今次連老公蘇志威都有參加：「我初初都估佢唔去，但佢都辟咗兩三日，之後佢都要去登台。」
至於漢洋則坦言辟穀後第一樣係食紅棗，話覺得好似人間美食咁：「粒紅棗乜調味都冇，但我覺得好好食，突然覺得人其實好簡易，知足就已經好快樂。」
來源 source: http://hk.on.cc
|
鍾意就快D Share啦！
|
|
|
