掃呢頁CODE去手機

2018年11月10日 星期六

「採陽補陰係真㗎!」 森美Keep Fit全靠荷爾蒙 __,森美,

 採訪:盧妹、攝影:陳俊強、拍片:馮嘉銘
香港人均壽命越來越長,因此好多傳統養生保健嘅方法亦越來越受重視。夏天要消暑,踏入秋天就要滋潤,《蘋果》日前邀得森美分享養聲、養生到養心大法,佢仲透露女 ...


香港人均壽命越來越長,因此好多傳統養生保健嘅方法亦越來越受重視。夏天要消暑,踏入秋天就要滋潤,《蘋果》日前邀得森美分享養聲、養生到養心大法,佢仲透露女士保持年輕嘅秘密:「已婚女士多啲同老公親熱,可以提升荷爾蒙保持體態,唔係呃你㗎。」



森美日前喺廣播道接受《蘋果》專訪,甫坐下提到早前有報道指「強國人飲熱水養生」,佢話:「我朝早鍾意飲大冰水,因為個人唔醒嘛,我知道係唔好嘅。其實飲凍嘢落個胃度,會令身體幫你加熱,正如你飲熱水,身體就會幫你降溫去調節。我問過中醫,原來凍、熱水都唔好,室溫就最啱啦,因為任何令你身體改變溫度去調節狀態都係唔好,所以其實室溫水先最好。」



連飲杯水都咁多學問,隨後叫森美接受「秒速測試」,喺5秒內解答簡單問題,從中講多啲養生同養心嘅見解。



叫佢示範3款笑聲,森美話:「好多時,我哋喺節目未講都會笑咗先,因為做節目好需要氣氛。就算嗰件事唔好笑,你聽到笑聲都好自然會笑咗先,真㗎。你知啦,好多人都係揸車嗰陣就聽收音機,揸車好悶架嘛,所以我哋都笑咗先,令大家開心咗先。」



至於秋天令佢諗起嘅嘢,森美諗都唔諗就話係蛇羮同羊腩煲:「唔知點解會諗起,但又覺得好暖笠笠。秋天會令人覺得寂寞,就會搵個女嚟攬下,我講緊自己個女呀,唔係其他女。」至於養聲三寶,森美竟然話其中一樣係辣椒:「有時開唔到聲,食辣椒真係會開到,可能行氣活血,好似你做運動咁,我成日都一路做gym一路唱歌,唱得高音啲㗎。」



提起運動,森美都曾經係肥仔,令佢保持狀態嘅方法,除咗做運動同節食,連荷爾蒙都好重要:「23歲之後,身體嘅荷爾蒙會下降,多啲運動會幫助到,而心態都係令荷爾蒙分泌好重要嘅一樣嘢。男人要覺得自己成日仲追緊女仔咁,女仔就要諗住自己仲係有人追咁。中國傳統成日話採陰補陽、採陽補陰係真㗎,所以結咗婚嘅人行房都好重要,行房次數正常,係會心境同身體都保持狀態,女性尤其需要。因為你唔再同老公親熱,個身體以為你唔需要生仔,腰就唔再瘦、皮膚又會變,我成日都同身邊啲女仔講,真㗎,就算唔係親熱,攬下錫下都好㗎。我哋做《公子會》(電台節目)嗰陣,成日都話老公聽得老婆講最多就係『喂呀!』同『咪』(拒絕親熱),以後希望啲老婆講少啲,哈。」



精選娛聞,喺晒《娛果》

http://fb.com/appledailyent



採訪:盧妹、攝影:陳俊強、拍片:馮嘉銘  森美人越keep得越好,原來佢喺各方面都有方法keep。 森美人越keep得越好,原來佢喺各方面都有方法keep。
 秋天會食蛇羮,開聲會食辣椒,平時做運動,同埋一樣好重要,係心態,所以要keep住親熱。

秋天會食蛇羮,開聲會食辣椒,平時做運動,同埋一樣好重要,係心態,所以要keep住親熱。
佢話平時喺節目都有叫女性注意,要話俾身體聽仲要用㗎。

佢話平時喺節目都有叫女性注意,要話俾身體聽仲要用㗎。
 森美話,就算唔親熱,攬下錫下都好㗎。

森美話,就算唔親熱,攬下錫下都好㗎。

鍾意就快D Share啦!