網頁

請重新LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年11月15日 星期四

「我係全港No.1 !」 馮盈盈選港姐原來係為咗啖氣? __,港姐,馮盈盈,

FYYno1feature
「我係全港No.1!」馮盈盈選港姐原來係為咗啖氣?馮盈盈(FYY)同麥明詩兩位前港姐講嘢一向直接,新一集《後生仔傾吓偈》主題係講情侶間嘅尊卑。馮盈盈分 ...


「我係全港No.1 !」 馮盈盈選港姐原來係為咗啖氣?



馮盈盈(FYY)同麥明詩兩位前港姐講嘢一向直接,新一集《後生仔傾吓偈》主題係講情侶間嘅尊卑。馮盈盈分享到同男友寶寶之間嘅相處時,就不禁話自己係全港No.1,一眾後生仔都唔知畀咩反應好,淨係笑騎騎……

撰文:東方新地|圖片:《後生仔傾吓偈》截圖





「我係全港No.1 !」 馮盈盈選港姐原來係為咗啖氣?

馮盈盈有個醫生男友,周不時都會曬相放下閃。今集《後生仔傾吓偈》講到情侶間尊卑問題,FYY就話以前自己讀緊書,有做兼職模特兒,而男朋友就係十優狀元兼醫生,嗰陣時都聽到唔少閒言閒語。

 馮盈盈
好多人都認為感情上男方做主導,不過套用喺馮盈盈身上就唔同講法

馮盈盈分享同醫生男友初初拍拖時嘅經歷


FYY最初同男友拍拖因為雙方背景有一段差距,所以拍拖都有唔少壓力。

FYY男朋友年紀比自己大,所以早幾年出嚟做嘢

醫生男友人脈廣,又多朋友,不過FYY當時只係學生妹一名


當年仲讀緊書嘅FYY有做Part-time model賺下錢



拍拖就緊係帶畀朋友見下啦,點知男朋友嘅朋友就話FYY係𡃁模…… 



FYY靈機一觸,諗到選港姐或者可以逆轉呢個問題。



FYY大讚自己條件唔錯,又有自信,大家又點睇先?



FYY話咁多年嚟,10A狀元加上做醫生嘅人都有唔少,但係港姐冠有只有五十幾個人,仲要係全港有十幾萬人投選出嚟,好有認受性,佢仲指住鏡頭話自己喺2016年係全港No.1。



FYY話自己喺感情上唔會認輸,亦都唔係小鳥依人嗰款,選完港姐之後,同男友相處就係佢做主導,佢話咩就話咩!



馮盈盈爆熱戀期夜晚好攰

之前《後生仔傾吓偈》一集以「熱戀期」為主題,討論吓熱戀期有幾長、有咩特徵等,馮盈盈依舊意見多多,仲話「熱戀期夜晚好攰」,雖然佢好快就解釋係因為夜晚要傾電話所以好攰,不過大家明盈盈想講咩

馮盈盈

馮盈盈與醫生男友~



盛裝出席、瑜伽招數……

之後大家又講吓情侶過咗熱戀期後會有咩特徵,馮盈盈又嚟料,不假思索寫下「夜晚好空閒」,因為自己同男朋友夜晚都唔係太有心去做運動!之後盈盈回想熱戀期時,「運動」時會準備好多「道具」或者「盛裝」出席,仲誇張到「會睇小說參考入面的情節,瑜伽招數都會使出」喂唔怪得夜晚咁攰

原來盈盈以前「做運動」時咁花心思!



怕男朋友搵其他人做運動

馮盈盈表示,與男朋友熱戀時自己仲係學生,夜晚大把精力做運動,就算對方第二朝要返工都唔放過佢!盈盈就解釋點解咁Chur,係因為擔心男朋友會出去搵其他人做運動,所以要用盡對方啲Quota……

盈盈真係好鍾意做運動!


依家又唔擔心?

咁點解盈盈依家又唔擔心男朋友搵其他人做運動呢?佢竟然笑男朋友年紀漸長,同埋了解過對方工作環境後完全唔擔心,對佢好有信心!



獲點名拍安全套廣告

講開做運動,早排馮盈盈性感現身《2019無綫節目巡禮》,佢率直敢言的個性獲得好多觀眾甚至廣告商的青睞,現場有廣告客戶點名想搵佢拍安全套和女性健康飲品廣告!





盈盈喜出望外,並再語出驚人說:「兩個產品我都有用呀!女性補品一定要啦,安全措施都好需要推廣,不應該避忌,應灌輸正確訊息。」


馮盈盈大爆自己似日本女優!

之前《後生仔傾下計》曾探討「成人影片」話題,馮盈盈當然「性博士」上身,當一眾後生仔講到伴侶性慾較強該如何解決,馮盈盈即以食飯作比喻,即話如果對方食完唔夠飽,就畀佢自行解決!

隨即就有後生仔提出,此舉咪相等於畀機會對方出外偷食,但「性博士」就立馬否認,並解釋指若然對方明明食得唔夠飽,但仍然會選擇自行填肚,都唔搵其他廚師,咁就係對方愛自己嘅表現。



馮盈盈又話覺得女優蒼井空好吸引,語氣非常敬佩,並以老師專稱蒼井空,話唔定盈盈都係蒼井老師嘅「學生」,跟老師學習過。

唔少網民就討論究竟馮盈盈係開廠前做足功課,定係平日真係有睇開,皆因佢數出唔少片種!


馮盈盈自爆似女優

重點係盈盈仲自認自己似女優桃谷繪里香,當陸浩話唔識嘅時候,佢仲大聲叫啊陸上網搵吓!



曾發表「港姐公廁論」

另一集中,陸浩明提到做女人的好處,其中一個就係嫁入豪門會俾人話係「做少奶奶」、等,相反男仔就會俾人話入贅、「食軟飯」。點知港姐出身的馮盈盈同麥明詩就搶住大叫,表示如果港姐嫁有錢人, 就會俾人話「睇死佢鈞金龜」、「係雞」等難聽說話…… 認真陰功!



咁都仲未夠,馮盈盈仲突然補多一句:「公廁!」自己身為港姐冠軍,竟然將呢啲網絡用語拉埋同港姐嚟講,佢都算係「神奇 頂級 超卓」~



「大胸」波波有話兒

講完港姐嫁入豪門,之後眾人講到女仔「大胸」係其中一個優勢,不過就容易因為負膽重而令肩膊疲累,呢個時候當然要問到全場身材最好的「波波」黃凱儀,波波承認係會被內衣勒到有痕,肩膊累之餘仲好容易寒背。呢個時候麥明詩大爆之前同波波去日本時,原來兩人詳談過縮胸手術…… 睇嚟冇方面煩惱的麥明詩,都好為波波著想喎!



正常係C Cup?

最後眾人又討論到「作為有優勢嘅女仔,覺得大胸定長腿好?」當在場大部分女仔都話揀長腿時,馮盈盈竟然好大聲爆出一句:「大胸!」則麥明詩諗一諗後都係揀「大胸」,但就補充胸唔需要好大,正正常常有C (Cup) 就OK。



馮盈盈:個標準有啲高!

點知馮盈盈聽完驚訝地「吓!」咗一聲,「所以話正常係C,個標準有啲高!」如果C Cup先叫正常,可能盈盈同好多比較瘦削的香港女仔都唔正常,叫人情何以堪…… 講到呢度,麥明詩又再拖波波落水:「我意思係正常大,而唔係嗰啲又F又H,唔使好似波波嗰啲咁! 」



馮盈盈一萬蚊訂一晚酒店慶生被陸浩明話浮誇

《後生仔傾吓偈》請嚟一班後生仔上嚟分享消費習慣,有一半後生仔都係話用嚟買衫,而陸浩明就話自己喺旅遊上花費得最多。

同樣都係喺旅行上花費較多嘅FYY就問陸浩明訂酒店預算係幾多,陸浩明就話最多都係$3000一晚,更話其實已經覺得好貴。



FYY就話最貴用過一萬元訂一晚酒店為自己慶祝生日,又話成個天花板都有氫氣球、窗邊又有Happy Birthday裝飾,不過陸浩明就忍唔住話FYY好鍾意浮誇嘢,非常之襯返佢本人。



FYY意猶未盡,繼續回憶豪華生日之夜,指酒店安排一大紮玫瑰、又有香檳、生日卡同蛋糕,就連浴缸都擺滿玫瑰花花瓣,覺得一萬元一晚真係好抵!跟住又話可以介紹畀大家,但係陸浩明就話:「唔使喇,你唔好介紹啲咁貴。」



麥明詩都終於忍唔住暗串:「張卡都值5千幾啦,你講嗰啲加加埋埋都值$9999,其實房價可能只係佔千幾蚊。」之後陸浩明就話:「係啊好抵啊哈哈……」

 

鍾意就快D Share啦!


Related Posts Plugin for WordPress, Blogger...