網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年11月4日 星期日

陸永:陸永開空頭支票 老婆嬲到震刪Post鬧爆 __,陸永,

女人唔好呃呀!出名「愛妻」嘅陸永喺老婆Reina10月生日時就獅子開大口,話去學車同報埋Course學影相,冧到Reina喺Instagram晒命,不 ...


女人唔好呃呀!


出名「愛妻」嘅陸永喺老婆Reina 10月生日時就獅子開大口,話去學車同報埋Course學影相,冧到Reina喺Instagram晒命,不過陸永之後喺活動上就話「都係交吓功課先」即係氹住老婆,點知真係講得出做得開咗張「空頭支票」!Reina今日喺網上爆Seed鬧爆陸永「以後大時大節咪再送禮物」,仲嬲到刪埋個放閃Post!

Reina上載咗張灰底黑字圖,內容係「十月某個星期六凌晨三點,『你咁夜仲唔瞓聽日點去上九個鐘攝影班?算啦,難得休息,你都係唔好咁早起身喇。』『我都係咁諗!』」Reina仲心灰意冷話不如直接送部相機畀佢,或者考咗車牌同學識影相先當禮物送畀佢會有誠意啲!兼一大堆hashtag「嘥錢學車做乜都唔係為咗pass係為咗畀張收據我睇」、「簡單啲直接啲好」、「我識得自己安排」,真係隔住個Mon都知佢幾咁火呀!

最後Reina就話代老公送份禮物畀自己就係去西藏,叫佢留喺屋企湊女!網民都留名想睇陸生點拆呢個彈,仲tag埋佢「男人冇用㗎」,睇嚟陸永今次形象盡毀,「呃妻號」先啱!

未幾,知衰嘅陸永終於留言「暫時不作回應,等我考到個車牌再拎住部相機自拍一張俾(畀)你」試圖冧番老婆,而Reina亦似乎下咗啖氣再上載兩公婆參加生日會合照!


來源 source: http://hk.on.cc
鍾意就快D Share啦!