掃呢頁CODE去手機

2018年11月30日 星期五

【治仔有秘技】阿Sa拍拖似女皇 馴悍百億闊少男友貼貼服服 降貴做阿四(足本版) __,蔡卓妍,阿Sa,

喂!阿Sa行咁快趕住去邊呀?後面呢個高大威猛嘅,唔講以為係兵咋!可以將百億闊少馴服得貼貼服服,阿Sa,你係得嘅!阿Sa36歲生日前夕,就同Joey,Y ...




喂!阿Sa 行咁快趕住去邊呀?後面呢個高大威猛嘅,唔講以為係兵咋!可以將百億闊少馴服得貼貼服服,阿Sa,你係得嘅!

阿Sa 36歲生日前夕,就同Joey,Yumiko,Kenny 大班朋友一齊過,咁生日正日呢?就梗係留返俾男友

上個禮拜,阿Sa 同Anthony 靜雞雞出發去咗東京,玩足七日。一朝早兩個齊齊現身機場。見阿Sa 戴晒口罩cap 帽兩手空空,一落車就一支箭係咁衝呀衝!難為Anthony,一個人拉住兩個大喼跟住尾咋。

話晒都係麻雀館嘅太子爺吖,身家數埋過百億,為咗阿Sa ,都肯做阿四,呢個男人,真係嫁得過架!男友聽教聽話,阿Sa 都要讚一讚佢嘅!Check in 嗰陣,阿Sa又時不時含情脈脈咁定格望住男友,戴住口罩都罩唔住佢個冧樣。唔怪得Anthony 俾佢冧到乜都肯制所以搬行李呢啲操重功夫,就繼續係佢嘅專利囉!Check 完in,兩個就急急腳衝住入閘!

拍咗拖未夠兩年,阿Sa 之所以氹得男友貼貼服服,原因好簡單啫!一向識得做人嘅佢,話咁快就融入晒對方嘅屋企,同「未來奶奶」打好關係之餘,連「未來姑奶」都親口讚過佢very nice架!咁得人心,咁阿Sa 要嫁入石家,絕對冇難度

立即下載Apps,隨時隨地睇盡時政專題、深度偵查、娛樂熱話!

按此連結:http://bit.ly/next28app

鍾意就快D Share啦!