高潮女Seasun早前接拍咗以李宗瑞迷姦案為題材嘅三級電影《有罪》，佢話片酬唔錯，馬上有錢「上車」，即被揭去年喺筲箕灣買咗一個價值600萬嘅三百幾呎單位，Seasun自稱片中有全裸露點，叫大家唔好戴有色眼鏡睇佢。（新聞連結： https://bit.ly/2QT91dm ）Seasun風騷做業主，卻辣㷫同片《有罪》三點盡露女主角、25歲「湖北舒淇」王家淇，被搶fo嘅王家淇日前向《蘋果》爆料，踢爆Seasun戲中冇露點，純粹搵替身出鏡，指責佢吹水博宣傳。
訪問當日，王家淇一聽Seasun個名就顯得委屈，佢用普通話話：「我只能這樣說，全套戲就我一個真露，拍戲過程中，製作人給我很大壓力。拍時有一場戲，我跟Seasun要穿丁字褲（T-back），每人的褲子上都寫了名，不知道她的褲子怎樣弄髒了，她拿了我的去穿，我最後沒得穿，還被人講成為了拍戲連內褲都不穿。」
「在她（Seasun）的感覺中，我就是個低賤的人，她覺得我為甚麼拍戲脫衣服，又沒有很多錢的片酬，我還要這樣拍，問我是不是神經病。我拍這套戲，家人不支持，跟男朋友分手，我壓力好大。拍戲過程中，我跟男主角有床戲，他用皮鞭抽打我，我痛得叫，她們就在隔壁取笑我怎麼這樣enjoy，我真的只為拍戲付出。」王家淇又爆Seasun經常片場發脾氣，又話拍又話唔拍，影響流程，要導演常常安撫，王家淇話：「一時說沒化完妝，一時說內衣沒弄好，她的戲很短，結果花了整整5、6小時。」
諗番起點樣俾Seasun揶揄，王家淇情緒開始激動，崩潰痛哭。有指Seasun反駁話王家淇借佢宣傳，王家淇一邊抹眼淚，一邊不屑咁話：「我是用自己身體去做主角，我沒有必要借她炒新聞，不知她為甚麼這樣厲害，我覺得做人要真實，要對得住良心，她露的是『替點』。」
對於Seasun高調晒命，拍完戲有錢買樓做業主，係咪好高片酬？王家淇話：「她是高手，好厲害，我就沒有收到600萬片酬。」王家淇表示自己全露片酬都唔係好高，唔夠畀首期，問佢片酬夠買乜嘢？王家淇好抵死咁話：「買到自己的良心。」據知Seasun都只係5位數字片酬，但卻財來有方，成功「上車」。兩女隔空對罵，相信將來好難再合作，王家淇落閘：「我不敢啦，因為她真的好厲害，盡量不要一起，我有點怕她。」可覺Seasun係港女？王家淇話：「我不敢說啦，總之我很怕，我本來是女主角，已脫也被說成這樣，我沒有必要借她來炒作。」王家淇表示過往曾拍過張家輝執導嘅電影《陀地驅魔人》，若要炒作都唔會想利用Seasun。
王家淇呢次拍三級片，未來演藝路，佢話性感可以，但要視乎劇情需要，呢次豁出去，因為有見自己已經25歲，想喺事業上有突破：「本來我有個不錯的男友，他打本在深圳開健身工作室和美髮店，還想跟我結婚，但我不想天天用他的錢，我想有自己事業，希望這部戲可以突破自己。」王家淇最終要事業，男友即同佢分手。王家淇被指係「湖北舒淇」，佢直認想叨舒淇光，以佢做學習目標。
採訪：劉敏
場地：Otto
Google Play 2018 年度最受歡迎應用程式，請即點擊 http://bit.ly/2FCthz5 投《蘋果動新聞》一票
精選娛聞，喺晒《娛果》
http://fb.com/appledailyent
|
鍾意就快D Share啦！
|
|
|
