掃呢頁CODE去手機

2018年11月12日 星期一

【子華神開金口】農夫Show有彩蛋 黃子華搶咪:如果佢哋認真做楝篤笑,我會....... __,農夫,陸永權,鄭詩君,黃子華,

農夫演唱會一般都會以送客環節作為結尾。不過,日前一場show佢哋改以棟篤笑形式進行,皆因二人嘅同行──黃子華係座上客。點解突然以棟篤笑形式作結?農夫話 ...




農夫演唱會一般都會以送客環節作為結尾。不過,日前一場show佢哋改以棟篤笑形式進行,皆因二人嘅同行──黃子華係座上客。

點解突然以棟篤笑形式作結?農夫話:「作為同行,我覺得要有個作品俾你(黃子華)睇吓!雖然今日做得麻麻,唔好意思。多謝,真正亦師亦友嘅子華神。」

黃子華聞言立即上前同二人擁抱,隨後仲拎起咪講兩句,隨便兩句都講得相當有趣:「真係唔好講出去,我唔係復出呀吓!佢(農夫)話嗰晚同佢講咗好多個鐘頭嘢呢,其實我哋係講過地球嘅環境問題、AI將來會點樣滅殺人類。我哋講過好大好大嘅問題,而佢哋只係記得我叫佢哋唔好講粗口。」

農夫解釋:「度嘢係咁架啦,好多假架嘛。你嗰啲阿強唔通全部真嘅?鳳爪壽司我唔信有啦。」

黃子華:「我係真係記我叫你唔好講粗口嘅,但係大家睇唔睇到係幾咁困難嘅事呀?我係真係認為佢哋係我同行,所以如果佢哋再做棟篤笑,如果佢哋好認真咁做 」子華講到呢度停一停,農夫立即認真mode一副受寵若驚樣,而現場觀眾就興一興奮嗌幾嗌,然後聽到5個字,最後得啖笑。「我盡量在場。」子華說。

鍾意就快D Share啦!