黃德斌有諗過放棄、轉行，笑言最後因為走投無路先返TVB！
藝人黃德斌今日出席活動，宣揚對抗逆境的正能量訊息。他笑言開工經常遇到逆境，例如要拍動作戲份，又坦言之前曾擔心冇工開，身邊朋友都會主動介紹兼職：「都有諗過放棄、轉行，但又轉唔到，啲老闆會覺得可能遲啲電影市道好番我又會返番去，當時試過一日食一個漢堡包、會不停灌水飲，又會喺公司搵啲嘢沖嘢飲。」續抵死笑言因為走投無路才返TVB拍劇，雖然再返去人工都不是太高，但勝在產量多：「都有問自己係咪鍾意做演員，覺得係就堅持落去，都好多謝TVB。其實都有諗過做幕後，但我唔識『吹水』，所以都係做番演員。」
他續指剛拍畢兩套電台劇集，快將開拍兩套電影，預計聖誕節可能需要開工。問到這是婚後首個聖誕節，不計劃同老婆二人世界慶祝？他笑話：「佢同我都鍾意熱鬧，如果唔使開工就梗係搵埋朋友一齊開Party！」
來源 source: http://hk.on.cc
|
鍾意就快D Share啦！
|
|
|
