掃呢頁CODE去手機

2018年12月31日 星期一

【2018年最後一日】31歲倪晨曦宣佈訂婚:當時真的大腦一片空白 __,倪晨曦,

(ig圖片)
現年31歲嘅倪晨曦同圈外男友「V先生」拍拖兩年,感情穩定,今日係2018年最後一日,倪晨曦宣佈已訂婚,剛才佢喺Ig貼出男友喺巴黎跪地求婚片,原來男友早 ...


現年31歲嘅倪晨曦同圈外男友「V先生」拍拖兩年,感情穩定,今日係2018年最後一日,倪晨曦宣佈已訂婚,剛才佢喺Ig貼出男友喺巴黎跪地求婚片,原來男友早前已向佢求婚,佢留言:「我想了很久很久這件事是人生中那麼重要的時刻,也是今年讓我感觸最深的一件事,想要分享給你們,那就是我訂婚了!」



件事係發生喺倪晨曦今年九月尾至十月初去巴黎出席時裝周活動,喺工作完成後,髮型師Green指自己錢包唔見咗,倪晨曦抱住相機即衝返拍攝現場,突然男友「V先生」出現喺橋上,倪晨曦形容:「當時真的大腦一片空白,完全傻掉,有閃過一下在想難道他穿越了,明明早上還在WhatsApp上和在香港的他說晚安,為甚麼會在這個瞬間出現,他說了好多好多,但我都不記得了,只是一個勁的哭,因為我好感動,沒有想過他會選擇在我覺得最浪漫的城市向我求婚。」



倪晨曦指同男友一齊嗰陣,佢哋都好少討論結婚嘅事,因為男友知倪晨曦事業心重,「他總是默默的在我身邊不斷的付出,給我一個溫暖的避風港,這個全世界對我最好的男人,永遠都把我放在他前面,包容我、照顧我,對自己總是超級節省,但把最好的都留給我,上輩子一定是做了甚麼好事,這輩子有這樣的疼愛,原來安定下來的心感覺是那麼的踏實」,佢更搞笑將男友求婚驚喜稱為「獵豬行動成功」。



倪晨曦回覆《蘋果》講到訂婚喜訊,心情依然激動,佢話:「揀今日其實我寫緊今年紀錄,自己做咗啲乜嘢,寫吓寫吓,睇番今年發生咗嘅相同片,自己再睇一次條片,其實我都再次感動到,我覺得發生咗一件咁開心嘅事,無論我嘅工作做多幾多嘢都好,其他方面幾大成就都好,一件人生大事,影響咗我好多嘢,2018年發生,我冇同大家講過,所以就喺12月31號呢一日,話畀大家聽,所以我考慮咗一日之後,就決定咗喺今日post喇!」



問到幾時舉行婚禮?佢話:「我自己好開心,我都希望身邊朋友fans繼續支持我,Wedding plan喺2019年,多謝大家關心。但詳情未決定到。」



倪晨曦仲話男友係喺巴黎求婚,當時自己身在當地工作:「佢做呢件事,好感動、震驚,完全冇諗過會喺嗰個時間,因為嗰時做緊嘢,佢出現係大驚喜,所以完全控制唔到自己情緒。」



精選娛聞,喺晒《娛果》

http://fb.com/appledailyent



(ig圖片) 現年30歲嘅倪晨曦同圈外男友「V先生」拍拖兩年,感情穩定(ig圖片) 現年30歲嘅倪晨曦同圈外男友「V先生」拍拖兩年,感情穩定(ig圖片)
今日係2018年最後一日,倪晨曦宣佈已訂婚(ig圖片)

今日係2018年最後一日,倪晨曦宣佈已訂婚(ig圖片)
佢喺Ig貼出男友喺巴黎跪地求婚片,原來男友早前已向佢求婚(ig圖片)

佢喺Ig貼出男友喺巴黎跪地求婚片,原來男友早前已向佢求婚(ig圖片)
件事係發生喺倪晨曦今年九月尾至十月初去巴黎出席時裝周活動(ig圖片)

件事係發生喺倪晨曦今年九月尾至十月初去巴黎出席時裝周活動(ig圖片)
倪晨曦指同男友一齊嗰陣,佢哋都好少討論結婚嘅事

倪晨曦指同男友一齊嗰陣,佢哋都好少討論結婚嘅事

鍾意就快D Share啦!