掃呢頁CODE去手機

2018年12月4日 星期二

鍾欣潼:雪卵暴脹20磅!阿嬌怕老尷結婚唔畀佢出現 __,鍾欣潼,阿嬌,

究竟阿嬌唔畀邊個出現喺婚禮?準新娘鍾欣潼(阿嬌)今日到電台宣傳新歌《聽說的幸福》,見她清減不少,證明近日狂操收身成功!講到新歌,她興奮指誠邀內地著名唱 ...


究竟阿嬌唔畀邊個出現喺婚禮?


準新娘鍾欣潼(阿嬌)今日到電台宣傳新歌《聽說的幸福》,見她清減不少,證明近日狂操收身成功!講到新歌,她興奮指誠邀內地著名唱作人汪蘇瀧作曲、作詞,更是入行後最感動的作品,每次聽到都會眼濕濕:「想喺水底拍婚紗個Video嘅背景音樂係我唱,所以就有呢個諗法,送首歌畀老公。」續自爆守唔住秘密,一有歌就即刻告知老公:「咁就冇咗個Surprise。(點解唔搵老公拍MV?)有諗過㗎!但佢嗰陣唔喺香港唔得閒。」

Fit到要改窄條裙

阿嬌透露婚禮當日會播放新歌,又抵死笑話特意安排播另一個版本的MV:「會剪走個男主角,好尷尬㗎嘛!諗過送畀老公嘅,但就見到第二個男人!(唔再拍一個有老公嘅MV?)冇時間!」記者笑問是否有時間都寧願去操弗?她笑住大呻其實好辛苦,因為沒有健身習慣,相反老公就有,全靠「堅持」捱過一切:「試咗一條婚紗,竟然着到喎!本身唔想試嘅,因為太細件,但依家仲要改窄,都好開心!仲有啲未試嘅,嗰啲仲細件!(減咗幾多磅?)唔係睇磅數嘅,係想要線條。(想再突顯邊Part線條?)手臂同腰,因為都睇唔到腳嘅!」

唔介意講肥

問到有否從健身找到樂趣,阿嬌即大笑話冇樂趣:「教練都有叫我結完婚繼續堅持,但結完再算!覺得自己已經算叻㗎」而今次健身都有意外收穫,成功做到正面影響:「我願意將自己嘅肥攞出嚟同人分享,Set一個目標,知道有好多女仔未必都係鍾意做運動、健身,但見到我做運動,佢哋就去做,慢慢一步步咁,好有鼓勵性!」

雪卵荷爾蒙失調

講到好姊妹容祖兒日前自爆接受「雪卵」手術,於2年前亦有「雪卵」的阿嬌透露是經理人霍汶希(Mani)提議二人,都唔知Joey之後都有去做,更自爆當年自己只雪得3粒卵子:「嗰時做完荷爾蒙失調,肥咗20磅減唔到,好辛苦!所以醫生叫我再做都唔考慮,仲辛苦過依家!(私下有同Joey傾呢件事?)冇呀,只可以話佢冇肥到!(會叫埋阿Sa一齊雪?)問佢啦不如,我唔知呀。」


來源 source: http://hk.on.cc
鍾意就快D Share啦!