掃呢頁CODE去手機

2018年12月23日 星期日

【自打嘴巴】2日前楊冪斥婚變傳聞無聊 大陸富二代:離婚就娶你 __,中國,大陸,富二代,楊冪,

知情人士話楊冪同劉愷威2個月前已離婚(網上圖片)
32歲大陸女星楊冪同44歲劉愷威昨日冬至宣佈離婚,結束5年夫妻情,女兒小糯米由兩人共同照顧撫養。有大陸傳媒報道,據知情人士透露,楊冪同劉愷威於兩個月前 ...


32歲大陸女星楊冪同44歲劉愷威昨日冬至宣佈離婚,結束5年夫妻情,女兒小糯米由兩人共同照顧撫養。有大陸傳媒報道,據知情人士透露,楊冪同劉愷威於兩個月前在加拿大搞掂離婚手續,小糯米將繼續留喺香港讀書,跟爺爺劉丹生活。至於點解揀喺昨日公佈離婚消息,報道指日期係兩人共同決定,因為小糯米開始放聖誕假期,佢哋唔希望女兒受到傳媒打擾。



其實近年楊冪同劉愷威已經屢傳婚變,今年10月劉愷威踏入44歲生日,但楊冪卻唔似往年咁喺微博發文祝福晒恩愛,今年零留言完全無視老公生日!由於離婚傳聞未斷過,上個禮拜四(20日),有網民預告兩人於翌日(21日)宣告離婚,大陸傳媒向楊冪工作室求證,但得到嘅回應依然係否認:「沒有,這種傳聞好無聊!」估唔到事隔兩日,楊冪就自打嘴巴宣佈離婚。



食花生嘅網民除咗諗起曾同楊冪傳緋聞嘅李易峰,仲諗起曾經公開講過好欣賞楊冪嘅大陸富二代王思聰,事關王思聰曾經喺微博向楊冪開玩笑:「離婚就娶妳!」現網民紛紛叫王思聰「找數」。





精選娛聞,喺晒《娛果》

http://fb.com/appledailyent




鍾意就快D Share啦!