熱爆娛樂: 【爆相爆片】恩愛30年 63歲張國強孖太太飛溫哥華陪仔女過聖誕 _

2018年12月28日星期五

【爆相爆片】恩愛30年 63歲張國強孖太太飛溫哥華陪仔女過聖誕 __,張國強,爆相爆片,

張國強(KK)係70年代嘅香港足球代表隊成員，熱愛運動，多年來無論樣貌同身型都冇乜走樣，望落一啲都唔似63歲。日前讀者王先生透過《蘋果》爆相爆片，表示12月中喺香港機場見到KK同太太一齊外遊。

王先生話：「見到張國強同太太一齊喺香港航空商務客位準備check in，見佢哋好恩愛，有講有笑，仲好似玩自拍。」KK同太太穿上墨綠色情侶褸，KK全程好體貼，負責推行李及拎護照check in，完全唔使太太操勞。

KK噚日接受傳媒訪問時話：「我現在喺溫哥華，難得有假，可以同仔女一齊過聖誕。」KK同太太結婚30年，育有一子兩女，大仔今年已經29歲，佢早前接受周刊訪問時透露大仔寶軒喺新加坡工作，二女寶洋喺加拿大工作，細女寶康仍在求學，而KK就專心喺香港拍劇，一家人雖然分散各地，但感情一直都好好，三子女每年都會返香港陪佢一齊跑獅子山，非常難得。而KK多年來亦鮮有緋聞，只係2013年拍《情越海岸線》與朱璇傳過緋聞，但似乎係煲水居多，問到夫妻相處之道？KK話：「多溝通，多關懷。」

精選娛聞，喺晒《娛果》

http://fb.com/appledailyent

KK同太太結婚30年依然好恩愛，子女亦好孝順。(資料圖片/讀者提供)	KK負責check in同推行李，完全唔使太太操勞。(讀者提供圖片)	 (讀者提供圖片)
 KK同太太趁假期飛去溫哥華，與子女一齊過聖誕。 (讀者提供圖片)	 真係好sweet！ (讀者提供圖片)	 一家人分散不同地方工作，但KK嘅子女好孝順，每年都會抽空陪爸爸跑山。
 KK與太太結婚30年，育有一子三女。	 KK年前被影到與太太一齊行街，兩人身材都fit到爆。(資料圖片)	 張國強好鍾意運動，樣貌同身型都keep得好好。(微博圖片)
 KK喺《跳躍生命線》飾演魯永健，要刻意化老妝。(微博圖片)