掃呢頁CODE去手機

2018年12月1日 星期六

【娛樂人物】從影40年薪酬僅吊命 轉行做保安高俊文明星夢醒 __,高俊文,

明星夢碎後,高俊文工作大減,薪酬僅夠吊命,他只好馬死落地行,轉行做保安餬口。資料圖片
明星夢碎後,高俊文工作大減,薪酬僅夠吊命,他只好馬死落地行,轉行做保安餬口。資料圖片綠葉王高俊文入行40年,13年離開無綫轉投港視,原以為有機會發圍, ...


綠葉王高俊文入行40年,13年離開無綫轉投港視,原以為有機會發圍,可惜港視不獲發牌,令他鬥心盡失。不想吃回頭草的高俊文,只靠少量工作過活,自言「吊住條命唔使死」,之後又投資失利,一度陷經濟危機。幸得女友一句「咁樣唔得喎」點醒,高俊文轉行做保安自力更生,不再發明星夢。

撰文︰唐琛悠

相關新聞:【拍90劇集】為賠償與無綫對簿公堂

現年60歲的高俊文78年參加無綫藝員訓練班入行,拍攝過多部電視劇,王維基12年開始籌備港視,高薪向無綫挖角,高俊文也是其中一個過檔藝員,他原以為可以有一番作為,可惜港視不獲發牌,他也不想返回無綫,工作量頓時大減。高俊文日前接受《蘋果》電話訪問,他坦言那時工作甚少,收入僅夠餬口:「嗰段時間好少工作,得番配音同有啲戲做吓,不過唔多,叫做吊住條命唔使死,但係慢慢覺得好頹,連女朋友都話『咁樣唔得喎』,冇晒鬥心,之後經濟有啲問題,加上投資失誤,慢慢諗咁樣唔掂,真係會死,要搵番份正職,唔好再發明星夢。」



「個心好掙扎」

明星夢碎,高俊文離開從事多年的演藝圈轉行做保安,內心也經過不少掙扎:「呢個決定諗咗非常之耐,我報讀嗰個高級保安課程之後,個心都係十五十六,唔知點樣去面對自己,個心好掙扎,不過都OK,原來做保安都要攞牌,要上156個鐘頭嘅堂,對我嚟講有啲辛苦,但最後都讀咗兩個月,考試pass咗,係一級認可資格。」

相關新聞:【自力更生】反璞歸真貼地打工



課程畢業後,高俊文在連鎖超市工作,他覺得甚具挑戰性,因為要面對他人目光,商場每天人來人往,不少人都認出他,但高俊文對自己說,要從高難度的地方開始,幸好最後克服過來。「可能我係一個演員,慣咗面對群眾,一路試工都冇問題,做得幾好。點知有你哋行家又過嚟搵我,話有人報料嚟了解吓,嗰陣有啲𤷪𤺧,心情又忐忑,覺得我只係想平靜嘅生活,點解仲要滋擾我?你知做演員嘅心態好矛盾、複雜,好彩我樂觀諗通咗,我要多謝呢個讀者,令到全行都知道我轉工。」



高俊文在《怒火街頭2》扮演法官,深入民心。電視圖片 高俊文在《怒火街頭2》扮演法官,深入民心。電視圖片
13年港視不獲發牌,高俊文與張松枝等在集會上演出港版《半澤直樹》,望討回公道。資料圖片

13年港視不獲發牌,高俊文與張松枝等在集會上演出港版《半澤直樹》,望討回公道。資料圖片

仲做得靠自己

適應是第一步,高俊文昔日的藝人身份,對他有利也有弊:「你問我係好定唔好,我都唔知,可能幫到我喺事業有啲進展,亦可能因為太惹火,有公司而唔敢請我,我平常心喇。」不過被踢爆轉行後,高俊文心情反而變得輕鬆:「公司啲人都對我好好,你知我都年紀唔細,如果再向社會踏足,又能夠做到啲乜嘢工作。可能有啲人見到你咁,畀啲嘢你做,做到退休,都無謂嘥彈藥。𠵱家咁樣仲好,唔需要再尷尷尬尬,自己可以面對,我都希望畀到正面訊息大家,既然行得走得,點解唔靠自己?我仲做得嘢,腳踏實地搵份工,希望提升自己,由散仔做起,慢慢升做組長、主管,過咗70歲就會轉做看更,到時就退休。」



轟議員唔做嘢

雖然已轉行,但對於演藝工作,高俊文卻不會抹殺任何可能:「如果有人搵我,我都會老實同人講,我做緊保安,返夜班,如果認為我啱就直接開工,唔好casting,始終要夾一夾時間,要休息先可以做。」他也有感而發:「我唔係因為唔再喺呢一行而語無倫次,之前又話中港一家親,但係又有演員限制,其實係抹殺演員嘅機會,尤其嗰啲冇乜知名度嘅演員,但係我又睇唔到嗰啲代表業界嘅議員做緊乜嘢,我睇見啲人鬧啲劇集好膠,其實都幾傷感!」




鍾意就快D Share啦!