網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年12月27日 星期四

【陳慧琳嘅學生】5歲黎明帶入行 9歲做歌手 何弘軒:依家開學校培訓童星 __,何弘軒,陳慧琳,黎明,

12歲後因變聲而冇再做童星,何弘軒Alan去咗加拿大讀書,22歲參加咗嗰邊電視台搞嘅新秀歌唱比賽入咗三甲,喺當地電視台做咗一年節目主持人後,再決家回流 ...




12歲後因變聲而冇再做童星,何弘軒Alan去咗加拿大讀書,22歲參加咗嗰邊電視台搞嘅新秀歌唱比賽入咗三甲,喺當地電視台做咗一年節目主持人後,再決家回流香港發展,自資出唱片。「膽粗粗去唔同嘅唱片公司或行內人敲門,睇吓有冇人會簽我,俾啲demo佢哋聽呀,當然就會食好多閉門羹嗰時基本上係冇人要,但我又自己識作曲作詞,有啲前輩就話,既然你識得作曲填詞,不如擺上網俾大家聽吓啦,因為嗰時係啱啱興擺歌上網嘅年代,所以不如擺啲歌上網俾大家聽吓啦,反應又幾好喎,然後見反正有歌喺度唔想嘥,不如派埋電台啦,跟住不如唔好嘥出埋碟啦,所以就出埋碟,係自己好手工製嗰啲,唔係市面上好靚嗰啲,係好簡陋,一個紙套入面放咗隻唱碟,好簡單。」

等咗幾年終於有唱片公司簽,出道做歌手,但歌手路唔易行,除唱歌外,Alan會投資唔同生意,賺錢生活,直到今日,佢將成副身家同其他拍檔齊齊開辦小明星文化藝術中心,培訓童星。「其實呢個係投資咗我嘅青春、我嘅生命,我所有嘅嘢都擺晒入去,呢個叫盡地一煲囉,希望會有好啲嘅發展。」聽Alan想當年,佢5歲參加《歡樂今宵》模仿黎明大賽入行,細細個已經跟住Leon周圍表演,9歲簽約Sony做歌手,之後,拍埋劇拍埋戲,想當年,Alan係個好全面嘅童星。「嗰時我5歲,Leon就話,呢個小朋友咁細個唔好比賽啦,就直接去比賽度做我嘅表演嘉賓啦,所以就直接喺比賽同Leon合唱咗一首《對不起,我愛你》, Leon就帶我去唔同嘅地方表演,俾咗我好多唔同嘅演出機會,所以我喺演藝圈嘅第一個伯樂就係Leon9歲就正式簽咗唱片公司,開始發展我嘅娛樂事業,嗰時又拍劇又拍電影,廣告、出歌等等都有。」

同Leon合作過後,Alan有好多機會拍劇拍戲,歌、影、視三棲發展。「第一套係亞視嘅《飄零燕》,嗰時係一套長劇,約80集,啱啱係佢哋第一套長劇,嗰時演員陣容都好犀利,有Gigi姐、琴姐李香琴、萬綺雯,好多重量級嘅陣容,我就做夏春秋冬叔個孫。之後都係拍劇啦,遇上郭晉安,跟住就去咗無綫,呢套就係無綫嘅《天降財神》,嗰時係一套賀歲嘅電視劇,演員陣容都好犀利呀,有郭晉安、歐陽震華、叻哥、夏韶聲啦,好多演員,白茵姐係我嫲嫲,我都做好多前輩嘅孫仔,嗰時係御用孫子。」因為拍劇嘅關係,Alan嘅童年幾乎都係喺片場度過,佢自言係個遺憾,冇咗個有童真嘅童年。「因為我細個大部分時間都已經喺片場生活,我冇咗同小朋友一齊玩嘅嗰段光陰,其實我對得最多嘅係呢啲前輩呀,所以呢啲前輩等埋位嘅時候,佢哋會睇吓我嘅功課呀,即係有時我可能第二日要測驗考試,佢哋會陪我溫書,有咩唔識佢哋會教我呀!嗰時細個老積啲,但大個咗唔知係咪冇咗童年,所以而家成日都扮細個,扮細個反而冇咁老積囉,細個嗰時真係好老積嘅,真係好似一個大人咁!」

同過唔少藝人歌手合作過嘅Alan,對佢影響最深嘅人,係陳慧琳。「因為嗰時我哋一齊拍電影《仙樂飄飄》,係陳慧琳同郭富城主演嘅,但我同Kelly對手戲較多,佢亦成為我一生之中第一個偶像,我覺得除咗係我偶像之外,佢亦係我嘅榜樣,喺佢身上學到好多嘢,亦都影響我好深,工作或者價值觀都影響我好深囉,佢被譽為娛樂圈之中最勤力嘅女明星,同埋待人接物都好好啦,我欣賞佢好多地方,多到講唔晒嘅!」Kelly對Alan亦好好,當年知佢出道做歌手,仲幫佢featuring首歌,呢個偶像真係唔話得!

服裝:Harrison Wong

髮型:Toyo Ho

化妝:Pinky Ku

攝錄:吳斯金

採訪:肥A

場地提供:小明星藝術文化中心

鍾意就快D Share啦!