80歲食家趙世曾，女伴多到千手觀音都數唔曬，近年更專攻強國口味，質素亦相當參差。不過年輕時嘅佢，就真係相當有食神，佳麗質素多為上等。
近日本刊發現趙世曾上幾個世紀嘅舊愛，即係趙式浩媽咪盈盈，露膊打扮，短裙大騷白滑幼腿去shopping。因為皮膚保養好，十足40多歲嘅中女，之但係做得趙生80年代嘅情人，又係阿媽級，數手指都數到盈盈今年已經65歲，但其防腐功夫，完全唔似攞埋長者優惠嘅耆英。
當日佢試手袋時左扭右扭好風騷，同時亦突顯佢E級嘅驕人身材，配埋一雙美腿，真係銀髮族中嘅超級美魔。
回一回帶，呢位耆英美魔，當年已經係娛圈大美人，Model出身，亦係無線第一期訓練班藝員。當年趙世曾同姚煒分開，83年情傾盈盈，好快就有咗囝囝式浩。可惜式浩出世無耐，趙世曾已經移情，盈盈就係受唔住趙世曾嘅風流，長痛不如短痛，抱住幾個月大嘅式浩離開呢個男人。
之後喺美國下嫁黃姓商人，近年回復單身嘅佢返港發展，開髮型屋，又喺內地做房地產工作，認真好魄力！
我哋聯絡到呢位美魔女，問佢有冇同舊愛趙世曾keep住見面，佢就話:「我同趙生都係好朋友，間唔中都有聯絡，食下飯，但最近兩年比較少見，可能我成日都飛來飛去，好少喺香港。」
因為凍齡功力厚，盈盈周不時俾人查牌。「坐地鐵時，經常有地鐵工作人員見到我可能生得比較年輕，都問我攞身份証查核，懷疑我用家姐或媽咪嘅車票，要我出示身份証俾佢哋睇，睇完佢哋都問我係咪食咗防腐劑，好好笑。」
立即下載Apps，隨時隨地睇盡時政專題、深度偵查、娛樂熱話！按此連結：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|